Actualitats
Rugbi de XIII. Frederic Michalak: “lo XIII, aquò òc!”
L'Indépendant consacra una pagina d’entreten a l’ancian mièg de dobertura del XV de França
Alan Roch
L’entraïnaire Trent Robinson profeita de la preséncia de Frederic Michalak en Austràlia per demandar a l’ancian mièg de dobertura del XV de França (que joguèt a l’Estadi Tolosan, a Tolon e a Lion) d’intervenir al prèp dels jogaires dels Polets de Sydney dins l’encastre de la preparacion de la sason NRL. Aquò balhèt l’escasença a L’Indépendant de li consacrar una pagina d’entreten jol titol: Michalak passe à XIII (Michalak passa a XIII). A la question: “En qué lo XV se pòt inspirar del XIII?”, respond:
Mas lo biais tolosan se reprodusís pas endacòm mai. A Perpinhan, d’escambis se tenguèron entre las còlas tecnicas en 2009, mas lo president de l’USAP del temps e actual president de l’LNR (La liga dels clubs professionals del XV) metèt lèu-lèu un tèrme a aqueles contactes que deviá jutjar contranatura. En Aude, se tenguèron de partidas Lesinhan-Estadi francés e Limós-Racing de Narbona sens seguida. A l’ora d’ara, lo club de Vilagalhenc-Argon (Elèit 2) a signat un partenariat amb los XV de Pesens (esquipa de primièra sèria regionala). De jogaires del XV an jogat amb los XIII en debuta de sason, mas per ara las 2 formacions son a l’arrèst.
Dins lo libre Audace et combat, Mike Rylance conta l’interdiccion faita pel president Albert Ferrasse als quinzistas franceses en virada en Austràlia d’anar veire una partida d’NRL!
S’en Anglatèrra existís una diferéncia sociala: lo XIII es l’espòrt de las ciutats obrièras, ancians centres industrials del textils e del carbon; se, en Australia, lo XIII ten tanben aquel costat mai popular, empacha pas qu’a l’ora d’ara se faga de circulacions entre los dos còdis. Vertat qu’aquestes païses an pas patit d’un temps d’interdiccion coma en cò nòstre amb lo dictat de Vichèi, plan significatiu d’un estat d’esperit que perdura.
Cò dels neozelandeses, inutil de soslinhar la carrièra dins los dos rugbis de Sonny Bill Williams. L’arrièr actual dels Combatents d’Auckland, Roger Tuivasa-Schek, jogarà aquesta sason 2021 d’NRL amb son club, mas a ja signat un contracte amb la federacion neozelandesa dels XV per 2022 en vista de la Copa del Mond de 2023 amb la garentida d’èsser titular cò dels All-Blacks!
Elèit 1: encara una jornada incompleta!
La pluèja venguèt empachar lo debanament del rescontre Carcassona-Tolosa aqueste dimenge: interdiccion presa per la municipalitat carcassonesa de pausar lo pè sus una pelena totalament matrassada per las lauradas del club de XV! Vertat que dos paquets de 800 quilos que butan, butan, de crampons plantats dins lo sòl, aquò daissa de marcas e transforma una pelena en camp de patanas e en fangàs, se plòu!
La covid que pertòca un jogaire de Vilanòva empacha, de son costat, los Leupards de reçaupre los Dragonets: tresen repòrt de la sason pels aquitans!
Dissabte, Lesinhan se trapèt menat 18-4 a Albi, mas tornèt a 18-10 a la pausa. Se faguèron segurament brandir las pelhas per l’entraïnaire a la pausa, que marquèron tres ensages de tira dins las dètz minutas de la represa e, malgrat un carton roge, tenguèron a distància los tarneses (34-22).
L’ancian arrièr dels Dragons Catalans Tòni Gigòt, aprèp de partidas jogadas amb Toronto e Wakefield, torna a son club d’origina Avinhon per aquesta sason 2021. Èra pas dins la formacion que ganha sus la còrna a Palau (24-22), cò de catalans totjorn en cèrca d’una victòria .
Dins las batèstas entre ursids, los Grizlis de Limós van balhar la leiçon als Orses de Sent Gaudenç (34-14), encara un pauc endormits a la velha de Candelosa!
Al programa de la dimenjada qu’arriba, son previstes per l’ora los rescontres de la primièra jornada de las partidas venir (encara que solament Lesinhan siá a jorn del calendièr!): St Gaudenç/Tolosa, Albi/Carcassona, Dragonets/Limós, Lesinhan/Avinhon e Palau-Vilanòva.
Alan Roch
“Sus la luta, los sistèmas defensius e sus la preparacion fisica qu’es plan mai intensa a XIII. Los dos son diferents, mas se semblan fòrça dins l’estat d’esperit, lo sacrifici et la brutalitat que cal metre, es un espòrt de combat.”
Saluda los entraïnaments compartits entre l’Estadi Tolosan e lo TO, e soslinha: “Trapi que lo XIII ten de causas d’anar cercar dins lo XV e vice-vèrsa mai que mai.”
Saluda los entraïnaments compartits entre l’Estadi Tolosan e lo TO, e soslinha: “Trapi que lo XIII ten de causas d’anar cercar dins lo XV e vice-vèrsa mai que mai.”
Mas lo biais tolosan se reprodusís pas endacòm mai. A Perpinhan, d’escambis se tenguèron entre las còlas tecnicas en 2009, mas lo president de l’USAP del temps e actual president de l’LNR (La liga dels clubs professionals del XV) metèt lèu-lèu un tèrme a aqueles contactes que deviá jutjar contranatura. En Aude, se tenguèron de partidas Lesinhan-Estadi francés e Limós-Racing de Narbona sens seguida. A l’ora d’ara, lo club de Vilagalhenc-Argon (Elèit 2) a signat un partenariat amb los XV de Pesens (esquipa de primièra sèria regionala). De jogaires del XV an jogat amb los XIII en debuta de sason, mas per ara las 2 formacions son a l’arrèst.
Dins lo libre Audace et combat, Mike Rylance conta l’interdiccion faita pel president Albert Ferrasse als quinzistas franceses en virada en Austràlia d’anar veire una partida d’NRL!
S’en Anglatèrra existís una diferéncia sociala: lo XIII es l’espòrt de las ciutats obrièras, ancians centres industrials del textils e del carbon; se, en Australia, lo XIII ten tanben aquel costat mai popular, empacha pas qu’a l’ora d’ara se faga de circulacions entre los dos còdis. Vertat qu’aquestes païses an pas patit d’un temps d’interdiccion coma en cò nòstre amb lo dictat de Vichèi, plan significatiu d’un estat d’esperit que perdura.
Cò dels neozelandeses, inutil de soslinhar la carrièra dins los dos rugbis de Sonny Bill Williams. L’arrièr actual dels Combatents d’Auckland, Roger Tuivasa-Schek, jogarà aquesta sason 2021 d’NRL amb son club, mas a ja signat un contracte amb la federacion neozelandesa dels XV per 2022 en vista de la Copa del Mond de 2023 amb la garentida d’èsser titular cò dels All-Blacks!
Elèit 1: encara una jornada incompleta!
La pluèja venguèt empachar lo debanament del rescontre Carcassona-Tolosa aqueste dimenge: interdiccion presa per la municipalitat carcassonesa de pausar lo pè sus una pelena totalament matrassada per las lauradas del club de XV! Vertat que dos paquets de 800 quilos que butan, butan, de crampons plantats dins lo sòl, aquò daissa de marcas e transforma una pelena en camp de patanas e en fangàs, se plòu!
La covid que pertòca un jogaire de Vilanòva empacha, de son costat, los Leupards de reçaupre los Dragonets: tresen repòrt de la sason pels aquitans!
Dissabte, Lesinhan se trapèt menat 18-4 a Albi, mas tornèt a 18-10 a la pausa. Se faguèron segurament brandir las pelhas per l’entraïnaire a la pausa, que marquèron tres ensages de tira dins las dètz minutas de la represa e, malgrat un carton roge, tenguèron a distància los tarneses (34-22).
L’ancian arrièr dels Dragons Catalans Tòni Gigòt, aprèp de partidas jogadas amb Toronto e Wakefield, torna a son club d’origina Avinhon per aquesta sason 2021. Èra pas dins la formacion que ganha sus la còrna a Palau (24-22), cò de catalans totjorn en cèrca d’una victòria .
Dins las batèstas entre ursids, los Grizlis de Limós van balhar la leiçon als Orses de Sent Gaudenç (34-14), encara un pauc endormits a la velha de Candelosa!
Al programa de la dimenjada qu’arriba, son previstes per l’ora los rescontres de la primièra jornada de las partidas venir (encara que solament Lesinhan siá a jorn del calendièr!): St Gaudenç/Tolosa, Albi/Carcassona, Dragonets/Limós, Lesinhan/Avinhon e Palau-Vilanòva.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari