Actualitats
Còp d’estat en Birmania
Los militars an detengut Aung San Suu Kyi e d’autres caps del partit al govèrn e an impausat l’estat d’urgéncia pendent un an
Còp d’estat en Birmania. L’armada arrestèt Aung San Suu Kyi e d’autres dirigents del partit al govèrn diluns passat de matin. L’armada a declarat l’estat d’urgéncia après acusar de frauda las eleccions legislativas de novembre passat.
Aqueste diluns, 1r de febrièr, se deviá constituir lo parlament sortit de las eleccions del 8 novembre amb una Aung San Suu Kyi plan refortida. La cap birmana e son partit istoric contra la dictatura ganhèt clarament las eleccions vistas coma un referendum sus la gestion del govèrn de la filha del paire de l’independéncia birmana.
Comunicacions talhadas e tancs per carrièras
Se passèt qualques jorns de tensions entre lo govèrn civil e l’armada del país, après la victòria de la Liga Nacionala per la Democracia, mentre que los partisans de l’armada obtenián a pena lo 25% dels sètis del parlament. Ara, l’armada a autrejat lo poder al cap militar Min Aung Hlaing e a impausat l’estat d’urgéncia pendent un an, segon un comunicat d’una cadena de television de l’armada. Mentretant, las comunicacions per telefòn e Internet son estadas talhadas e las carrièras de las principalas vilas son presas pels tancs.
L’ÒNU, los Estats Units, Austràlia e Singapor son estats los primièrs a reagir. O an fach amb consternacion.
Detenguda durant quinze ans
Aung San Suu Kyi es tornarmai detenguda, coma o foguèt entre 1995 e 2010, fins que los militars entamenèsson una transicion devèrs lo poder civil. En 1990, lo Parlament Europèu reconeguèt sa lucha en favor de la democracia e dels dreches umans davant la dictatura militara e li autregèt lo prèmi Sakharov. Un an pus tard, emportariá lo prèmi Nobel de la Patz.
Justifiquèt lo chaple del pòble rohingya
Ça que la, son actitud davant lo chaple del pòble rohingya es durament criticada. Las gents d’aquela minoritat, considerada coma la pus secutada de la planeta, an pas pus lo ciutadanatge dempuèi 1982 e son massacradas pels militars de Birmania, davant l’indiferéncia de Aung San Suu Kyi. Per aquela rason, en 2018 Amnestia Internacionala li levèt sa distincion e en setembre passat lo Parlament Europèu li retirèt lo prèmi Sakharov.
Aung San Suu Kyi defendèt en persona davant la Cort Penala Internacional la persecucion dels rohingyas en tot assegurar qu’èran una menaça terrorista. Aquò li portèt mai de popularitat dins son país.
Aqueste diluns, 1r de febrièr, se deviá constituir lo parlament sortit de las eleccions del 8 novembre amb una Aung San Suu Kyi plan refortida. La cap birmana e son partit istoric contra la dictatura ganhèt clarament las eleccions vistas coma un referendum sus la gestion del govèrn de la filha del paire de l’independéncia birmana.
Comunicacions talhadas e tancs per carrièras
Se passèt qualques jorns de tensions entre lo govèrn civil e l’armada del país, après la victòria de la Liga Nacionala per la Democracia, mentre que los partisans de l’armada obtenián a pena lo 25% dels sètis del parlament. Ara, l’armada a autrejat lo poder al cap militar Min Aung Hlaing e a impausat l’estat d’urgéncia pendent un an, segon un comunicat d’una cadena de television de l’armada. Mentretant, las comunicacions per telefòn e Internet son estadas talhadas e las carrièras de las principalas vilas son presas pels tancs.
L’ÒNU, los Estats Units, Austràlia e Singapor son estats los primièrs a reagir. O an fach amb consternacion.
Detenguda durant quinze ans
Aung San Suu Kyi es tornarmai detenguda, coma o foguèt entre 1995 e 2010, fins que los militars entamenèsson una transicion devèrs lo poder civil. En 1990, lo Parlament Europèu reconeguèt sa lucha en favor de la democracia e dels dreches umans davant la dictatura militara e li autregèt lo prèmi Sakharov. Un an pus tard, emportariá lo prèmi Nobel de la Patz.
Justifiquèt lo chaple del pòble rohingya
Ça que la, son actitud davant lo chaple del pòble rohingya es durament criticada. Las gents d’aquela minoritat, considerada coma la pus secutada de la planeta, an pas pus lo ciutadanatge dempuèi 1982 e son massacradas pels militars de Birmania, davant l’indiferéncia de Aung San Suu Kyi. Per aquela rason, en 2018 Amnestia Internacionala li levèt sa distincion e en setembre passat lo Parlament Europèu li retirèt lo prèmi Sakharov.
Aung San Suu Kyi defendèt en persona davant la Cort Penala Internacional la persecucion dels rohingyas en tot assegurar qu’èran una menaça terrorista. Aquò li portèt mai de popularitat dins son país.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Exactament, segond los critèris de l'UE, de longa jutja e partida satisfacha dins son autò-evaluacion democratica !
#5 Un democrate brave tot-plen a la mòda europenca, coma los Valls, Blanquer, Castener, Macron, lo PSOE o lo PP, Ciutadanos, per exemple ?
N'es d'Aung San Suu Kyi coma de Navalny. L'error de l'Occident es de creire, o puslèu de se voler persuadar que se te fas arrestar per un dictator es la pròva que tu ne serias l'exacte contrari, es a dire un democrate brave tot-plen a la mòda europenca.
Coma o a rementat plan justament lo Joan-Marc Leclercq dins son article del 26 de genièr "Pichona manipulacion a l'entorn de Navalny" , aquel oposant a Poutine, eroïsat pels mediàs occidentals coma un parangon de democracia, es plan luènh de n'ésser un amb son ideologia nacionalista e racista.
Idem amb la fotogenica Aung San Suu Kyi que la jornalistalha ben-pensanta e la mediaticalha jet-set s'entestèron d'annadas a nos presentar coma l'incarnacion gloriosa e ufanosa dels dreches umans... abans de retropedalar pitosament quand lo Mond descubriguèt espantat l'indiferencia compliça e cinicament racista de "la Dòna de Rangoon" davant lo chaple del pòble rohingya considerat per èla coma de parpèlas d'agaça.
Un clavel çaça l'autra, plorarem pas per èla, lo sol cocut dins aquel afar es lo pòble, coma d'acostuma...
#1 Cal arrestar l'èrba, garri !
Un an d'estat d'urgéncia!!! Ò mon Diu!!! Quina vergonha!!!! N'ei pas en França qu'aquò arribaré XD
Non, seriosament, la situacion que dèu estar grèva acerà...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari