Un nòu cas de violéncias policièras a esmogut los Estats Units. Los imatges de la detencion d’una enfantona de 9 ans mòstran cossí dos agents de la polícia locala de Rochester, dins l’estat de Nòva York, la manòtan e li lançan de gas pebre a la cara mentre que la filha crida e demanda ont es son paire. Dins lo vidèo tanben se pòt veire qu’un agent li repròcha d’agir coma una drolleta, e ela respond qu’o es.
 
Los dos agents son estats suspenduts, tant que durarà l’enquista.
 
Los agents èran anats a l’ostal ont demorava la petita, en seguida d’una denóncia per una bagarra en familha. Quand i arribèron, trobèron la drolleta que fugissiá. La petita delirava e menaçava de tuar sa maire e de se suicidar. Mas lo biais de l’arrestar faguèt sonque aumentar lo malèsser de l’enfant.
 
Los eveniments an desencadenat de protèstas del movement Black Lives Matter, que manifestèron diluns passat lor refús d’aquela violéncia davant lo comissariat de la polícia. A Rochester avián ja agut luòc de protèstas fa mens d’un an per la mòrt d’un òme negre. Un afar qu’a implicats sèt policièrs.
 
De son caire, la consolessa màger de Rochester s’es engatjada amb la familha per que la dròlla siá sonhada per d’especialistas en santat mentala.

 

Rochester police pepper-sprayed a 9-year-old Black girl after she refused to get into a police car and pleaded to see her dad.

The child was arguing with her mom before the police handcuffed the girl on the ground, pushed her into a police car and sprayed her. pic.twitter.com/jP5CtXubQj

— AJ+ (@ajplus) February 2, 2021

 

A 9-year-old girl was handcuffed and pepper sprayed by police officers responding to a report of "family trouble" in Rochester, New York, on Wednesday, according to Rochester Deputy Police Chief Andre Anderson. https://t.co/n4B5EopPK1

— CNN (@CNN) February 1, 2021