Actualitats
Dobertura de las ajudas financièras per venir professor d’occitan o en occitan
L’Ofici Public de la Lenga Occitana ven de dobrir la primièra estapa 2021-2022 dels dispositius sonats “Ensenhar” amb lo rectorat de Bordèu
L’Ofici Public de la Lenga Occitana (ÒPLO) dobrís las ajudas financièras pels estudiants que voldrián venir professors d’occitan i en occitan. La primièra estapa dels dispositius sonats “Ensenhar” se dobrís ara amb lo rectorat de l’acadèmia de Bordèu e s’adreiça als ensenhaires titulars en pòst dins l’educacion francesa, dicha nacionala, de 1r e 2d gra, que pòscan èsser abilitats en occitan dins aquela circonscripcion escolara que compren l’oèst de Gasconha e Peiregòrd. Per mai d’informacion vesitatz la pagina d’“Ensenhar” sul sit de l’ÒPLO.
Los dispositius “Ensenhar” porgisson de borsas adreiçadas als estudiants que se destinan a ensenhar en occitan als enfants de 3 a 11 ans de las acadèmias de Bordèu, Lemòtges, Montpelhièr, Peitieus o Tolosa, e als professors de l’acadèmia de Bordèu que desiran d’ensenhar l’occitan o en occitan.
Los dispositius “Ensenhar” porgisson de borsas adreiçadas als estudiants que se destinan a ensenhar en occitan als enfants de 3 a 11 ans de las acadèmias de Bordèu, Lemòtges, Montpelhièr, Peitieus o Tolosa, e als professors de l’acadèmia de Bordèu que desiran d’ensenhar l’occitan o en occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#13 amic, collèga (que coneissi pas alara que dises que me coneisses... mercé de çò que dises : legir l'asir de Guilhem Tomàs a prepaus de mond que coneis pas, es òrre...) te'n pregui, desvires pas las responsabilitats. Es la politica de Macron / Blanquer, après aquela de Sarkosy, que nos escana. Mas escana pas solament los professors d'occitan, escana la nocion de servici public, de'n pertot. Los collègas, dins tos establiments, van plan ? ieu ne coneissi de mantuna disciplina e son maluroses tantben... E, per çò qu'es de l'OPLO, serà çò que ne farem se començam de li dire de faire mai de plaça dins son budgècte a l'ensenhament public (agacha ont passa l'argent...). T'asseguri tanben que, a la FELCO, vesèm que la situacion es encara pièger dins las acadèmias qu'an pas d'OPLO. Vesèm tanben que los Basques e los Bretons an avançat mercé als oficis publics. Mas los mejans de l'OFICI basc son immenses a regard del nòstre...
#11 Cresi çaquelà que sètz injuste amb lo Sénher Martèl e los de la FELCO. Pensi que fan ce que pòdon dins un contèxte fòrça ostil. Ieu ai un pauc conegut Felip Martel, Florian Vernet e Maria-Joana Verny a l'universitat de Montpelhièr quora passèri lo meu CAPES. Sense monde aital, i auriá pas de CAPES d'òc. Me soveni d'eles a Paul Valéry, fòrça simpatics, amistoses e competents. Trabalhèri coma un fòl per aquel concors, èri plen d'estrambòrd e talament aürós de poder ensenhar la lenga. Eri talament aürós lo primièr jorn dins mon primièr collègi. Mas ara, al cap de tant d'annadas, pòdi pas dire que l'estrambord sia encara aquí. Sèm mal tractats per l'EN, per l'administracion dins los establiments e, tanben, per qualques collègas de las "grandas" disciplinas "nòblas" que dison pas res mas que nos mespresan (subretot los professors de francés, la lenga imperiala). Ieu soi un pauc tròp vièlh per demissionar mas l'enveja es aquí, cada jorn. Un professor d'òc pòt pas aver una carrièra totalament "normala". Alara, quora vesi aquel afar de l'OPLO, me demandi perqué se trufan aital de nosautres. Soi en colèra de veire aquò. Vòlon far creire que son utiles ? Sabem qu'es una messorga perqué la realitat del terrenh es tant luench d'aquel marrit torn que nos fan. I a pas que los que coneisson pas la situacion vertadièra que se pòdon regaudir d'aquela palhassada.
#11 sabi pas d'on vos ven aquel òdi ! ai pas de tabo sus la critica dels davancièrs, simplament un minimum de respècte per aqueles que nos a dubèrt lo camin, que son pas de sants, mas que sens eles seriam pas aqui. Vòstre biais de parlar a Felip es inversemblable de violéncia : de qué vos a fach, personalament ? quines actes o accions sieunas podètz citar per mostrar sa supausada "malfasença". Cossi vos podètz an aquel punt dissociar de çò que totes los que l'an ausit dins de molons de luòcs ont interven benevèolament ? cossi podètz portar d'acuzacions a l'encòp tan michantassas e tan desprovesidas de fons ? Sus Martel, i a unanimitat : sciéncia e umilitat. Per èsser tan violent, i a quicòm que truca e que deurias vos interrogar dessus.
#7 Comprèni Martèl qu'aquò te fasca cagar que qualqu'un venga criticar la pertinéncia dels concorses qu'an justificat pendent d'annadas ta plaça de "mèstre" al mitan d'estudiants bocabadants a la doça ausida de tas paraulas cargadas de coneissenças tant utilas.
Pasmens, lo CAPES d'ÒC e sas modalitats meritan d'èsser criticats, quitament s'aquò maca los ideals politics dels fotrairòls sindicats a la FELCO.
Lo CAPES d'ÒC a d'unes avantatges. Cèrtas. Mas tanben un molon de desfaus.
Me contetarai simplament d'evocar lo fach que totes los CAPES d'ÒC se valon pas entre eles, notadament en tèrme de carrièra, d'oportunitat e doncas de remuneracion.
#2 En que servis l'OPLO ? Vaqui : 0+0+0+0+0+0+0+0 = ?
.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari