Actualitats
La justícia francesa condemna l’estat per son inaccion climatica
Dins un relambi de dos meses se sauprà se lo Tribunal Administratiu de París obliga lo govèrn de prene de mesuras concretas
Lo Tribunal Administratiu de París reconeis, dins una senténcia dicha dimècres passat, la responsabilitat de l’estat francés dins la crisi climatica. Lo tribunal reconeis pel primièr còp que l’estat a comés una fauta d’inaccionclimatica en podent pas complir sos engatjaments de reduire los gases d'efièch de sèrra pendent lo periòde 2015-2018, çò rapòrta Reporterre.
Las organizacions qu’avián fach lor denóncia, Oxfam France, Nòstre afar de totes, la Fondacion per la Natura e l’Òme e Greenpeace França, an manifestat lor jòia per la senténcia, dos ans après lo començament del procès qu’a comptat amb lo sosten de 2,3 milions de personas.
Las organizacions environamentalistas considèran que la senténcia es una “victòria istorica pel clima e una granda avançada dins la legislacion francesa”. Tanben considèra qu’es “una victòria per la vertat”, vist que l’estat fins ara a refusat de reconéisser que sas politicas contra lo cambiament climatic èran insufisentas “malgrat l’amolonament d’evidéncias”. Dins aquel sens, asseguran que “se la nòva Lei del Clima d’aqueste govèrn es insufisenta” espèran que “la justícia se limitarà pas a reconéisser la fauta de l’estat, mas que l'obligarà tanben de prene de mesuras concretas per, almens, complir lors engatjaments climatics”.
De son costat, l’avocat Arnaud Gossement a precisat sus Twitter que “s’agís d’un jutjament «abans dire drech». “Lo jutjament definitiu serà rendut après un suplement d’instruccion de dos meses. Cal esperar aquel segond jutjament per saber se serà «istoric»”, çò ditz.
Las organizacions qu’avián fach lor denóncia, Oxfam France, Nòstre afar de totes, la Fondacion per la Natura e l’Òme e Greenpeace França, an manifestat lor jòia per la senténcia, dos ans après lo començament del procès qu’a comptat amb lo sosten de 2,3 milions de personas.
Las organizacions environamentalistas considèran que la senténcia es una “victòria istorica pel clima e una granda avançada dins la legislacion francesa”. Tanben considèra qu’es “una victòria per la vertat”, vist que l’estat fins ara a refusat de reconéisser que sas politicas contra lo cambiament climatic èran insufisentas “malgrat l’amolonament d’evidéncias”. Dins aquel sens, asseguran que “se la nòva Lei del Clima d’aqueste govèrn es insufisenta” espèran que “la justícia se limitarà pas a reconéisser la fauta de l’estat, mas que l'obligarà tanben de prene de mesuras concretas per, almens, complir lors engatjaments climatics”.
De son costat, l’avocat Arnaud Gossement a precisat sus Twitter que “s’agís d’un jutjament «abans dire drech». “Lo jutjament definitiu serà rendut après un suplement d’instruccion de dos meses. Cal esperar aquel segond jutjament per saber se serà «istoric»”, çò ditz.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 ... E lo rescalfament climatic antropic es pas mai una ideologia partisana, mès un fact.
#2 Es pas una posicion partisana. Del moment que l'estat reconeis l'urgéncia climatica e que, dins aquel temps, contunha una politica productivista incompatibla ambe un tal objectiu, podèm dire objectivament que i a falsièira politica e inaccion per aparar l'environa.
Condemna la politica de França sur climat,es una posicion que vai pas dins lo sens dau desbat democratique . Es una posicion partisana e darrier i a tota una panoplia de multinacionalas qu'an daus interests economics dins la lucha contre l'eschaurament climatic.
L'eschaurament climatic es pas un problem mas la polucion, l'utilisacion de produchs nocifs dins l'environament; l'absença de democracia en son d'autres belcòp mai importants.
Qun estalvi energetic : 1 euro de pagar per un gra de rescalfament climatic !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari