Actualitats
Lo cònsol màger de Montpelhièr felicita Rodin e se regaudís qu’aja la reconeissença estatsunidenca
Dimècres que ven, se presentarà l’album Pantais Clus que Rodin Kaufmann i trabalha dempuèi 2014 e que sos videoclips nos an ja impressionats
Lo cònsol màger de Montpelhièr, Michaëll Delafosse, a mandat una letra de felicitacions a Rodin Kaufmann per son trabalh Pantais Clus, que se presentarà aqueste mes en public, e pels videoclips qu’a ja presentats en avança, especialament lo Rei de la Luna e realizat amb Amic Bedel. De soslinhar que Delafosse se regaudís que i aja un labèl estatsunidenc e que l’artista occitan “contribuisca aital al dardalhament de nòstre territòri e de son patrimòni cultural”.
Lo Rei de a luna es una òbra mèstra tant al nivèl musical coma a l'audiovisual. Es un dels tres videoclips sortits de l’album Pantais Clus, que Rodin Kaufmann i trabalha dempuèi 2014 e que se presentarà dimècres que ven.
Un artista pluridisciplinar
Rodin Kaufmann es un rapaire, productor, cantador e poèta pluridisciplinar d’expression occitana. Afogat de la musica —sustot de l’hip-hop— del dessenh e de la poesia, jonguèt lo Còr de la Plana en 2001. Devèrs 2010 comencèt de trabalhar sus de projèctes mai personals en publicant son primièr single Indignats en duo amb un rapaire de Brooklyn, e un clip rodat per Amic Bedel a Nòva York, e a montat son labèl Pantais Recòrds. En 2015 publiquèt un EP de poesia experimentala ARA qu’èra un disc collaboratiu, amb de musicaires sortits dels mitans de las musicas experimentalas, contemporanèas o improvisadas.
Dempuèi 2014 trabalha sus son album Pantais Clus, que poguèt fabregar en CD l’an passat gràcias a una campanha de finançament participatiu. Lo disc sortirà finalament lo 10 de febrièr de 2021 amb lo labèl estatsunidenc Fake Four, qu’es un dels mai grands labèls d’hip-hop independent dels Estats Units. Dempuèi qualques meses, fa de collaboracions amb d’artistas estatsunidencs coma An Illustrated Mess, un grop navajo d’Arizona amb lo qual ja fach 3 tròces ensems. Tanben mena de projèctes en cors amb Ceschi, e Factor Chandelier, un grand artista e patron del labèl Fake Four, e un superproductor canadenc. En mai de tot aquò, montèt l’an passat la companhiá Neblum, dedicada a las praticas poeticas non literàrias, en occitan e en catalan.
De legir l’entrevista de Rodin Kaufmann publicada lo 20 de setembre passat.
Lo Rei de a luna es una òbra mèstra tant al nivèl musical coma a l'audiovisual. Es un dels tres videoclips sortits de l’album Pantais Clus, que Rodin Kaufmann i trabalha dempuèi 2014 e que se presentarà dimècres que ven.
Je ne sais pas si je devrais publier ceci. Mais j’ai été tellement surpris et touché. Pour citer Libé « il se passe...
Pubblicato da Rodín Oficiau su Dilluns, 1 de febrer de 2021
Un artista pluridisciplinar
Rodin Kaufmann es un rapaire, productor, cantador e poèta pluridisciplinar d’expression occitana. Afogat de la musica —sustot de l’hip-hop— del dessenh e de la poesia, jonguèt lo Còr de la Plana en 2001. Devèrs 2010 comencèt de trabalhar sus de projèctes mai personals en publicant son primièr single Indignats en duo amb un rapaire de Brooklyn, e un clip rodat per Amic Bedel a Nòva York, e a montat son labèl Pantais Recòrds. En 2015 publiquèt un EP de poesia experimentala ARA qu’èra un disc collaboratiu, amb de musicaires sortits dels mitans de las musicas experimentalas, contemporanèas o improvisadas.
Dempuèi 2014 trabalha sus son album Pantais Clus, que poguèt fabregar en CD l’an passat gràcias a una campanha de finançament participatiu. Lo disc sortirà finalament lo 10 de febrièr de 2021 amb lo labèl estatsunidenc Fake Four, qu’es un dels mai grands labèls d’hip-hop independent dels Estats Units. Dempuèi qualques meses, fa de collaboracions amb d’artistas estatsunidencs coma An Illustrated Mess, un grop navajo d’Arizona amb lo qual ja fach 3 tròces ensems. Tanben mena de projèctes en cors amb Ceschi, e Factor Chandelier, un grand artista e patron del labèl Fake Four, e un superproductor canadenc. En mai de tot aquò, montèt l’an passat la companhiá Neblum, dedicada a las praticas poeticas non literàrias, en occitan e en catalan.
De legir l’entrevista de Rodin Kaufmann publicada lo 20 de setembre passat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Americanizats cada cop un pauc mai, amb una fonetica lugubre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari