A partir d’uèi, l’Avenguda de las Aigaladas de Marselha portarà lo nom d’Ibrahim Ali, en onor de l’adolescent de 17 ans tuat lo 21 de febrièr de 1995 dins aquela meteissa carrièra per un militant del Front Nacional qu’èra a empegar d’afichas.
 
Èra una revendicacion dempuèi 25 ans que l’èx-cònsol màger Jean-Claude Gaudin refusava mai d’un còp en prepausar de donar lo nom del jove tuat a un giratòri. Mas uèi la redenominacion de l’avenguda s’aprovarà al conselh municipal dins lo qual l’esquèrra del nòu maire, Benoît Payan, ten pro de sostens. De veire qual serà lo vòte del partit conservador Los Republicans. Lo Recampament Nacional a ja anonciat que votarà «non» en qualificar lo rapòrt de “profanaire de la mòrt d’Ibrahim Ali”. De son costat, lo partit macronista La Republica en Marcha, que son representant a Marselha es d’origina comoriana coma o èra Ibrahim Ali, a volgut remarcat qu’Ibrahim Ali “lo tuèron perque èra nègre”, e que per tant s’agiguèt d’un “crime racista”, non pas d’una “question de senèstra ò drecha” mas d’“un combat umanista”.
 
 
Lo murtre
 
Ibrahim Ali èra un jove marselhés de 17 ans qu’aviá lo ciutadanatge francés e d’originas comorianas. Lo 21 de febrièr de 1995, lo tuèron dins l’avenguda qu’ara portarà son nom. Caminava amb un grop de dètz joves del grop de rap B. Vice quand rescontrèron tres partisans del Front Nacional de Jean-Marie Le Pen armats amb d’armas de fuòc qu’èran a empegar d’afichas de campanha. Los joves corrián, segon los testimònis, per mancar pas lo bus, mas los militants d’extrèma drecha los fusilhèron. Un bala atenguèt Ibrahim Ali dins l’esquina. Lo tiraire justifiquèt puèi son accion coma una responsa a una pretenduda agression dels joves.
 
 
Las reaccions dels lepenistas
 
“Almens aqueste lamentable incident a portat a l’atencion de totòm la preséncia a Marselha de 50 000 comorians. Que fan aicí?”, çò declarèt Jean-Marie Le Pen a prepaus d’aquel crime. Pasmens, après un autre assassinat d’immigrants per de militants de son partit, Le Pen declarèt: “Las personas que faguèron aquò son de delinquents e deurián èsser arrestats per la polícia”. De son caire, segon lo numèro 2 del Front Nacional, eurodeputat e conselhièr regional de Provença, Bruno Mégret, “l’encausa n’es l’immigracion massissa e descontrarotlada… se nòstreis afichaires èran pas armats, benlèu serián mòrts”, coma o raportet Le Méridional dins son edicion del 23 de febrièr de 1995.
 
 
Las consequéncias
 
Robert Lagier, l’autor del còp de fuòc mortal, foguèt reconegut colpable d’omicidi volontari, ansin coma de temptativas d’omicidis volontaris e de violéncias amb armas. Foguèt condemnat a 15 ans de reclusion criminala. Mario d’Ambrosio, autor de maites còps de fuòc, passèt dètz ans en preson per temptativas d’omicidis volontaris. Pierre Giglio, lo responsable del grop d’afichaires, foguèt condemnat a dos ans de preson per pòrt d’armas. Robert Lagier moriguèt en preson. De son latz, d’Ambrosio foguèt emplegat per la comuna de Vitròlas tanlèu mes en libertat.
 
 
 

Le 8 février lors du Conseil, la mémoire et l’histoire d’#IbrahimAli seront enfin reconnues par la Ville de @marseille. Nous l’avons espéré, sans jamais rien lâcher, je suis émue de vous annoncer que l’avenue des Aygalades portera enfin officiellement le nom d’#IbrahimAli. pic.twitter.com/u7QVvDjUiZ

— Samia GHALI (@SamiaGhali) February 2, 2021

Il y a 25 ans l’assassinat d’Ibrahim Ali par des militants de Le Pen marquait une génération de Marseillais.e.s. Ni oubli, ni pardon. #racisme#Marseillepic.twitter.com/a7lOiUYvQH

— David Chiousse (@DavidChiousse) February 4, 2021

Ibrahim ALI à jamais dans nos mémoires https://t.co/IFoF9klXUL

— Mvukisho Ye Masiwa (@mym_comores) February 3, 2021

26 ans après son assassinat, Ibrahim Ali aura une avenue à son nom à Marseille. Ce jeune homme avait été assassiné en 1995 par des colleurs d’affiche du Front national. On vous raconte l’histoire https://t.co/HKvHYDc2VFpic.twitter.com/z3nc6RIUdo

— France 3 Provence (@France3Provence) February 3, 2021