Actualitats
Rugbi de XIII: Superliga sens mesclanhas
Coma l’an passat, se jogaràn pas las mesclanhas, per de rasons sanitàrias
Alan Roch
La Superliga a fait un punt sus las règlas del jòc per l’annada. Coma l’an passat, se jogaràn pas las mesclanhas, per de rasons sanitàrias! Mas se compren pas que se disputen a XV ont l’afrontament dins aquesta fasa de jòc es mai nharrut! De mai, lèva una rampa de lançament interessanta del jòc. Per compensar lo temps ganhat a jogar pas las mesclanhas e acabar pas suls genolhs, las esquipas an pres per costuma d’esperar la fin de las 30 segondas autrejadas per assegurar la relança. Per un còp, la rapiditat es pas privilegiada! Mas la Cup se jogariá amb las mesclanhas per preparar los jogaires a la Copa del Mond que seguirà, ela, las règlas internacionalas!
Autrament, es una adaptacion de règlas australianas: instauracion de la 20/40 (palma recuperada aprèp còp de pè tustat de sos 20 mètres que sortís en tòca dins los 40 mètres advèrses), causida possibla de l’endreit ont jogar la falsa mesclanha, extension de la règla dels 6 tenguts-de-mai per las fautas a l’entorn e suls tenguts… (ne vos disi pas mai, qu’an daissat mesclanha /scrum dins los tèxtes, alara que la mesclanha es suprimida!).
Cada annada pòrta son lòt de modificacions que ne veirem l’utilitat a l’usatge.
Cò dels Dragons Catalans, l’entraïnaire McNamara a nomenat Benjamin Garcia coma capitani per aquesta sason 2021.
Palau aima pas las fins de partida
La partida Albi-Carcassona foguèt remesa en rason d’un cas de covid cò dels Tigres tarneses. Encara de copacap pels organizaires del calendièr de l’Elèit 1.
Dissabte, a Sant Estève, lo primièr temps foguèt equilibrat e los Dragonets menavan just 16-14 fàcia a Limós. Mas dins lo segond temps, foguèt una cordelada d’ensages catalans que profeitèron de presents dels Blanquetièrs: palmas perdudas e intercepcions. Fin finala, larga victòria catalana: 46-24 (lo resumit).
Dimenge, Sent Gaudenç ganha lo dèrbi de Nauta Garona fàcia a Tolosa: aprèp aver menat 22-4 a la pausa, los Orses s’impausan 24-12. Al Molin, Lesinhan demòra long de la partida jos la menaça d’Avinhon, mas ganha 28-22.
Palau pensava de conèisser la primièra victòria de la sason en menant 32-18 a 20 minutas de la fin, mas Vilanòva se lança dins una remontada e un ensag marcat just abans la còrna condemna los catalans: desfaita 32-34.
Quand Sant Valentin jòga a XIII…
Per aquesta dimenjada de Sant Valentin, los amoroses del XIII poiràn seguir (sus lors ecrans Internet) los rescontres: Tolosa-Dragonets, Avinhon-Albi, e las 3 partidas de las formacions audencas a domicili: Lesinhan-Vilanòva, Carcassona-Sent Gaudenç e Limós-Palau.
Alan Roch
Autrament, es una adaptacion de règlas australianas: instauracion de la 20/40 (palma recuperada aprèp còp de pè tustat de sos 20 mètres que sortís en tòca dins los 40 mètres advèrses), causida possibla de l’endreit ont jogar la falsa mesclanha, extension de la règla dels 6 tenguts-de-mai per las fautas a l’entorn e suls tenguts… (ne vos disi pas mai, qu’an daissat mesclanha /scrum dins los tèxtes, alara que la mesclanha es suprimida!).
Cada annada pòrta son lòt de modificacions que ne veirem l’utilitat a l’usatge.
Cò dels Dragons Catalans, l’entraïnaire McNamara a nomenat Benjamin Garcia coma capitani per aquesta sason 2021.
Palau aima pas las fins de partida
La partida Albi-Carcassona foguèt remesa en rason d’un cas de covid cò dels Tigres tarneses. Encara de copacap pels organizaires del calendièr de l’Elèit 1.
Dissabte, a Sant Estève, lo primièr temps foguèt equilibrat e los Dragonets menavan just 16-14 fàcia a Limós. Mas dins lo segond temps, foguèt una cordelada d’ensages catalans que profeitèron de presents dels Blanquetièrs: palmas perdudas e intercepcions. Fin finala, larga victòria catalana: 46-24 (lo resumit).
Dimenge, Sent Gaudenç ganha lo dèrbi de Nauta Garona fàcia a Tolosa: aprèp aver menat 22-4 a la pausa, los Orses s’impausan 24-12. Al Molin, Lesinhan demòra long de la partida jos la menaça d’Avinhon, mas ganha 28-22.
Palau pensava de conèisser la primièra victòria de la sason en menant 32-18 a 20 minutas de la fin, mas Vilanòva se lança dins una remontada e un ensag marcat just abans la còrna condemna los catalans: desfaita 32-34.
Quand Sant Valentin jòga a XIII…
Per aquesta dimenjada de Sant Valentin, los amoroses del XIII poiràn seguir (sus lors ecrans Internet) los rescontres: Tolosa-Dragonets, Avinhon-Albi, e las 3 partidas de las formacions audencas a domicili: Lesinhan-Vilanòva, Carcassona-Sent Gaudenç e Limós-Palau.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cambiament : es la partida Lesinhan-Vilanòva que serà retrasmesa per Via-Occitanie, dissabte a 3 oras del vèspre !
La partida Tolosa-Dragonets se poirà seguir sus la cadena Via Occitanie apueste dissabte 13 de febrièr de vèspre :
https://treizemondial.fr/la-12eme-journee-delite-1-de-retour-sur-viaoccitanie/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari