Actualitats
Los trens regionals seràn gratuits pels joves al centre d’Occitània
La region qu’a pres lo nom d’Occitània testarà la gratuitat dels trens TER pels joves entre 18 e 26 ans
Los trens regionals seràn gratuits pels joves al centre d’Occitània e en Catalonha Nòrd. La region qu’a pres lo nom del país anoncièt ièr diluns sus Le Parisien son intencion de testar una nòva mesura que permetriá que los joves d’entre 18 e 26 ans poguèsson prene gratuitament los trens TER. La region vòl testar la mesura del 1r d’abril al 31 d’agost per 2000 joves. Puèi, l’experimentacion seriá generalizada e concerniriá aperaquí 5000 joves.
Totun, aquela gratuitat se farà jos cèrtas condicions. “Los cinc primièrs anars-venirs son a mièg prètz. A partir del seisen, totes los trajèctes son gratuits. E a partir del quinzen, auretz la gratuitat pel mes seguent sus totes los trajèctes”, çò precisa a Le Parisien lo vicepresident regional encargat dels transpòrts, Jean-Luc Gibelin.
La mesura costarà 1,5 milion d’èuros a la region, un còst que la presidenta, Carole Delga, assumís amb la tòca de “tornar de poder de crompa a las gents” e d'“acostumar aquel talh d’edat de prene los trens”.
Totun, aquela gratuitat se farà jos cèrtas condicions. “Los cinc primièrs anars-venirs son a mièg prètz. A partir del seisen, totes los trajèctes son gratuits. E a partir del quinzen, auretz la gratuitat pel mes seguent sus totes los trajèctes”, çò precisa a Le Parisien lo vicepresident regional encargat dels transpòrts, Jean-Luc Gibelin.
La mesura costarà 1,5 milion d’èuros a la region, un còst que la presidenta, Carole Delga, assumís amb la tòca de “tornar de poder de crompa a las gents” e d'“acostumar aquel talh d’edat de prene los trens”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo tot de grat existís pas, t’an pas enquèra dicha la contra partida, vendrà ambe lo temps quora auràs plan mosegat l’anquet que t’en posquessas pas tirar.
Atal auràs leser de percantar : A bon bromech se far prene la garlesca !
Trissals e lagremas saràn avedre teu !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari