Actualitats
Catalonha s’es declarada sobeirana
Lo Parlament de Catalonha a aprovat un document que definís lo pòble de Catalonha coma “subjècte politic e juridic sobeiran” en un vòte istoric sus lo camin cap a l’independéncia
Lo Parlament de Catalonha a aprovat un document istoric, la declaracion de sobeiranetat, que definís lo pòble de Catalonha coma un subjècte politic e juridic sobeiran. Es una declaracion que comença lo procès per exercir lo drech d’autodeterminacion e que deu menar a una consulta sul futur politic del Principat de Catalonha e d’Aran en 2014, en seguida de l’engatjament de CIU e ÈRC per l’acòrdi de governabilitat. Aqueles dos partits, amb ICV-EUIA, an soscrich lo document, qu’a recebut tanben lo vòte afirmatiu d’un dels tres deputats de la CUP —que los dos autres se son abstenguts per criticar “los renonciaments” amb los quals lo procès a començat—.
Lo PSC s’es alinhat fin finala dins lo blòc del non a l’autodeterminacion, amb lo PP e C’s, qu’an qualificada la declaracion de sobeiraneitat d’illegala e inconstitucionala. Mas cinc deputats del PSC an protestat contra aquela decision e an pas votat
Alavetz, 41 deputats an votat de non a la declaracion de sobeiraneitat, 85 an votat d’òc, e i a agut doas abstencions.
Lo vòte a mes lo ponch final a un debat qu’a acaparrat l’agenda politica catalana dempuèi gaireben doas setmanas, quand CIU e ÈRC pachèron la proposicion iniciala de resolucion sus la declaracion de sobeiranetat del pòble de Catalonha. Pendent los darrièrs jorns, aqueles dos partits se son acordats per una proposicion finala amb ICV-EUIA, que compreniá de referéncias al ròtle del parlament coma promotor del drech de decidir.
Tanplan an sarrat de posicions d’aquelas de la CUP, mas, pel fach que s’i mençonava pas explicitament los Païses Catalans e que s’i manteniá la referéncia a l’encastre europèu en l’exercici del drech de decidir, la CUP a mostrat, amb un vòte en favor e doas abstencions, sa posicion oficiala: “òc, mas pas aital”.
_____
CIU: Convergéncia e Union, democracia crestiana catalanista
ÈRC: Esquèrra Republicana de Catalonha, esquèrra catalanista
ICV-EUIA: Iniciativa per Catalonha-los Verds-Esquèrra Unida e Alternativa, esquèrra ecologista
PSC: Partit dels Socialistas de Catalonha, partit socialista restacat als socialistas espanhòls; son federalistas.
PP: Partit Popular, drecha espanholista
C’s: Ciutadans, demagogia espanholista
CUP-AE: Candidatura d’Unitat Populara-Alternativa d’Esquèrra, esquèrra independentista
_____
Mai informacions:
Vilaweb: Catalunya es declara sobirana
CNN: Catalan parliament declaration pushes self-determination
Associated Press: Catalonia declares itself a sovereign entity
Foreign Policy: Catalonia moves closer to independence referendum
The Guardian: Catalan parliament paves way for referendum on independence
The Washington Post: Spain’s Catalonia Parliament passes symbolic declaration of sovereignty, referendum expected
L’Express: Catalogne: renaissance d’une nation
RTBF.be: Le Parlement catalan fait un pas de plus vers l’indépendance
La Nación: El Parlamento de Cataluña aprueba iniciar un proceso de autodeterminación
Excelsior: Aprueba Cataluña declaración de soberanía; abre vía a independencia
ANSA: Spagna: Catalogna prepara’nuovo stato nell’UE’
Der Spiegel: Kataloniens Parlament will Abspaltung vorantreiben
n-tv: Katalanen unternehmen ersten Schritt zu Unabhängigkeitsreferendum
Tiscal: Catalogna, Parlamento adotta dichiarazione autodeterminazione
Le Devoir: Indépendance - La Catalogne fait un pas de plus vers un référendum
Diário de Notícias: Parlamento da Catalunha aprova declaração de soberania
Público: Parlamento da Catalunha aprova uma declaração sobre a soberania
Berria: Kataluniako Legebiltzarrak burujabetzaren aldeko adierazpena onartu du
The Star: Catalan lawmakers pass resolution on sovereignty
Europe Magazine: Catalan parliament approves referendum on independence
Global Post: Catalan lawmakers pass resolution on sovereignty
El Mundo: El Parlament aprueba la declaración que impulsa el’derecho a decidir’ de Cataluña
El País: El Parlament aprueba por amplia mayoría la declaración soberanista
B92: Catalan parliament declares “sovereign entity”
Independenza: Catalogna: approvata la dichiarazione di sovranità
En Son Haber: Katalanlar’dan bağımsızlığa bir adım daha
Agencia Venezolana de Noticias: Parlamento de Cataluña aprueba proclama de soberanía de su región
Agencia Prensa Latina: Región española de Cataluña aprueba declaración de soberanía
Ta Nea: Διακήρυξη - πρώτο βήμα προς την ανεξαρτησία ενέκρινε η Καταλονία
Kathimerini: Το Κοινοβούλιο της Καταλωνίας ενέκρινε το δημοψήφισμα για την ανεξαρτησία
Irish Times: Catalonia’s’declaration of sovereignty’ is passed
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quò's pas de creire , que s'en parlèt pas cap sus cap de televisions oficialas del pais dels dreches de l'òme de la femna e dels felens.,...
Per de dire que sem aital los peis de la Luna, que los franceses , los occitans , en majoritat, creson encara de donar ( e d'èsser ausit) la leiçon de democracia , als chineses , als russes, (Poutine de segur los fan escupir los democratas franceses del Monde, de France Culture , mentre que los medias americans lor escupisson a la gula , al Monde e la França Cultura, , cada jorn sul beret als françèses, sens que jamai i tròbon quicòm a redire, es aital lo francitan fièr e polit dins sa conaria ) e tanben als Indos, als africans, que s'amaginan los paures centralisaires parisencs que lo monde esperan la paraula de Paris( quina idèa), qu'a pron pena sortit de l'occupacion germanica en 1945 se lancèt a la reconquista de las colonias perdudas... Per dire qu'avian pas ren comprés.....
França es lo pais de la libertat a cò dels autres .
E Franca es un pais que torna a l'agricultura que las usinas ferman una aprèp l'autra .
Ecologiste per fòrça..... Deman pas que l'èrba.
Fai plaser de veire un país, una nacion que vòl viure. Felicitacions als catalans ! Chàmbia de las malhetas a la tèsta de mòrt que d'autres pòrtan fierament per que es de mòda. En Catalonha la cultura viurà.
Tèni l'impression d'èsser dins un sòmi despertat !!!!!!
Es sonque lo començament del camin, mas ja, quin jòi !!!!!
Son fièr d'èsser un occitalan!
Amb la miva gratitutda etèrna al pòble catalan!
Catalunya nasqué un cop el regne franc assoleix el control d'aquestes terres tot formant un seguit de comtats francs deçà i dellà dels Pirineus. No fou fins l'any 1258 (traité de Corbeil) que el regne de França reconeix de iure l'independència dels comtats envers seu. Fins a les primeries del segle XII encara hom no pot parlar de la llengua catalana car fins aleshores la llengua fou l'occitana tanmateix el català comparteix molts mots amb les diferents variants occitanes i amb el mateix francès.
Siau anat legir un pauc per inercia culturala l'article de l'Express :
"la constitution espagnole, joyau de la transition démocratique"
Es impressionanta la marrida fe e la desinformacion dei mèdias francés ! Impressionant de veire a qunt ponch aquesta vision es partejada per la màger part dei ciutadans francés.
Un cosin catalan me ressortissia exactamant lei memeis argumentas "en temps de crisi fau sacher se metre ensems, se tot lo monde far parier es la fin de l'UE, es d'egoïsme d'una region rica que vòu pas pagar, etc..."
E totjorn lei memei comparasons amb la lega dau Nòrd ò lo Vlaamsblock, evidentament.
Generalament, e per metre aquelei gents davans sei contradiccions, m'acontenti de li demandar se tròban pas qu'aquesteis argerians, ivorians, senegalés e companhia son estats egoïstes de demandar son independéncia e de pas vouguer continuar de pertajar sei riquessas amb França.
Urosament qu'avem encara lo Mali per aquò far !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari