Actualitats
Montalban: 5 ans d’inelegibilitat per la consolessa màger que deu quitar son pòst
Brigitte Barèges es tanben estada condemnada a 12 meses de preson amb sosta e 15 000 èuros de multa per un afar de desviament de fonzes publics
Lo tribunal judiciari de Tolosa a condemnat la consolessa màger de Montalban, Brigitte Barèges, a cinc ans d’inelegibilitat, 12 meses de preson amb sosta e 15 000 èuros de multa per un afar de desviament de fonzes publics. Lo jutjament s’es fach en l'abséncia de Barèges. Pendent tot lo procès ela a refusat las acusacions. Pasmens, tanlèu que lo prefècte li aurà notificat la senténcia, deurà quitar totas sas cargas publicas, coma consolessa màger e coma presidenta de la comunautat d’aglomeracion del Grand Montalban.
En 2015, la consolessa e anciana deputada foguèt mesa en examen per “desviament de fonzes publics per persona depositària de l’autoritat publica o investida d’una mission de servici public”. L’enquista se dobriguèt après qu’un emplegat de la municipalitat foguèt estat pagat per la collectivitat per escriure dins de jornals locals d’articles favorables a Brigitte Barèges e desfavorables a l’oposicion.
Barèges, del partit Los Republicans, emportèt la comuna de la capitala carcinòla en 2001, alavetz amb l’UMP, après 36 ans de govèrn socialista. I arribèt après una campanha consagrada a la lucha contra la corrupcion e l’inseguretat. Es coneguda per sos prepauses omofòbs e xenofòbs.
En 2015, la consolessa e anciana deputada foguèt mesa en examen per “desviament de fonzes publics per persona depositària de l’autoritat publica o investida d’una mission de servici public”. L’enquista se dobriguèt après qu’un emplegat de la municipalitat foguèt estat pagat per la collectivitat per escriure dins de jornals locals d’articles favorables a Brigitte Barèges e desfavorables a l’oposicion.
Barèges, del partit Los Republicans, emportèt la comuna de la capitala carcinòla en 2001, alavetz amb l’UMP, après 36 ans de govèrn socialista. I arribèt après una campanha consagrada a la lucha contra la corrupcion e l’inseguretat. Es coneguda per sos prepauses omofòbs e xenofòbs.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Per çò que ne sabi, Montalban e Castèlssarasin son en país mondin, metre que Moissac es en Carcin Bas. Mas aquestas termièras son movedissas a travès l'istòria e, plan sovent, depend del moment que nos i referissèm…
Deuria èsser interdita d'eleccions a vida ! Ps: Montalban es pas la capitala del Carcin, sonque lo nord del Tarn e Garona se trapa dins lo bas Carcin. La ciutat màger es Caors.
5 ans d'inelegibilitat, sonque ? E perqué non una inelegilitat definitiva. Çò qu'a ja fait, sempre serà capabla d'o tornar far tan segurament coma o a ja fait !…
Lo desviament de fonzes publics es punit, mas non pas l'omofobia e la xenofobia?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari