Lo ministèri public de Polonha a inculpat la lidèr de las protèstas contra la reforma de la lei de l’avortament, Marta Mirosława Lempart. Aquesta risca una pena d’uèch ans de preson car es acusada d’aver insultat un policièr, d’aver organizat de manifestacions dins l’encastre de la pandemia e d’aver declarat publicament qu’es d’acòrdi amb de delictes tals coma la destruccion de faciadas de bastissas e l’interrupcion de servicis religioses.
 
Cauma Nacionala de las Femnas es lo principal collectiu qu’organiza de protèstas contra la nòva legislacion qu’enebís practicament l’avortament. Dempuèi la fin de genièr, las protèstas se son reviscoladas en mobilizant de milièrs de personas per las carrièras de las màgers vilas polonesas.