Actualitats
Rugbi de XIII: Cup e Copa en version corta
Tant en Anglatèrra coma en França, las competicions de Copa se debanaràn ongan en un format redusit
Alan Roch
16 formacions de Liga 1 e del Championship prendràn part al primièr torn de la Cup. Ramentem que lo Tolosa Olimpic s’es pas marcat per aquela competicion.
Lo primièr torn se debanarà la dimenjada dels 19, 20 e 21 de març. Lo segond torn se tendrà la setmana seguenta. Los 4 qualificats prendràn part als 8ns de finala amb las 12 esquipas de la Superliga, la dimenjada aprèp Pascas. La finala es programada lo dissabte 17 de julh a Wembley.
Costat occitanocatalan, solas las 10 formacions d’Elèit 1 prendràn part a l’edicion 2021 de la Copa Lòrd Derby: un torn de barratge entre 4 formacions, quarts, mièjas e finala. Demòra de trapar las datas dins un calendièr que se complica cada dimenjada. Atal, per causa de Covid, los rescontres de campionat Carcassona-St Gaudenç e Lesinhan-Vilanòva se debanèron pas dissabte e dimenge.
Elèit 1: Avinhon fa petar lo planchòt!
Dissabte, los Dragonets s’impausèron sens problèma a Tolosa: 36-6.
Dimenge, amb lo retorn de Tòni Gigòt jol malhòt blau e blanc dels Bisons e lo còp del capèl (tres ensages) per JackPayne, Avinhon es sens pietat per Albi: 64-18.
A l’Agulha, dins lo freg d’un vèspre ivernenc, Limós ganha una partida que prenguèt jamai d’ample contra los Cavals Fòls de Palau que prenon un seisen punt de bònus defensiu mas qu’an totjorn pas ganhada una sola partida: 24-14.
De rescontres en retard se debanaràn aquesta dimenjada: Albi-Carcassona e Dragonets-Vilanòva (dissabte), St Gaudenç-Avinhon (dimenge).
Un Kiwi als Dragons
Per remplaçar David Mead, partit en Austràlia, los Dragons Catalans venon de faire signar lo centre neozelandés. Dean Whare. Aquel tres-quarts internacional qu’a jogat las darrièras doas Copas del Mond amb l’esquipa al kiwi (19 seleccions en tot), a tanben disputat 155 partidas en NRL siá a Manly (a comptar de 2010), siá cò de las Pantèras de Penrith dempuèi 2013. A marcat un quarantenat d’ensages. Jòga mai que mai al centre, mas se pòt tanben se posicionar a l’ala o a l’arrièr.
Los Sang e Aur se fan pas tròp d’illusions sus un retorn d’Israel Folau en tèrra catalana. Vertat que los esportius dels antipòdes tenon gaire d’enveja de venir jogar en Euròpa d’aquesta passa.
La competicion 2021 de Superliga començarà a la fin de març amb 6 partidas jogadas sus l’estadi de Leeds: doas cada jorn del divendres 26 al dimenge 28. Primièrs adversaris dels Dragons: los jogaires d’Hull KR lo dissabte 27 de març(18h15).
Sky-Sports retransmetrà las 6 partidas e los abonats dels clubs poiràn seguir la partida de lor formacion sus la cadena de la Superliga: Our League (modalitats de precisar).
La Dimenjada Magica es prevista pels 4 e 5 de setembre a Newcastle e la finala a Manchester lo dissabte 9 d’octòbre. Se tot se passa plan…
Lo calendièr del Tolosa Olimpic
Los tolosans an pres coneissença de lor calendièr en Championship: entamenaràn la sason pel Divendres Sant (2 d’abril) a York, abans de reçaupre Londres lo dissabte 17 d’abril a Ernest Wallon.
Los copiaires
Pel campionat dels XV de las províncias neozelandesas que comença en aquesta fin de febrièr, la federacion anóncia doas règlas novèlas inspiradas/copiadas de l’NRL:
E òc, lo XIII es una sorsa permanenta d’inspiracion!
Alan Roch
Lo primièr torn se debanarà la dimenjada dels 19, 20 e 21 de març. Lo segond torn se tendrà la setmana seguenta. Los 4 qualificats prendràn part als 8ns de finala amb las 12 esquipas de la Superliga, la dimenjada aprèp Pascas. La finala es programada lo dissabte 17 de julh a Wembley.
Costat occitanocatalan, solas las 10 formacions d’Elèit 1 prendràn part a l’edicion 2021 de la Copa Lòrd Derby: un torn de barratge entre 4 formacions, quarts, mièjas e finala. Demòra de trapar las datas dins un calendièr que se complica cada dimenjada. Atal, per causa de Covid, los rescontres de campionat Carcassona-St Gaudenç e Lesinhan-Vilanòva se debanèron pas dissabte e dimenge.
Elèit 1: Avinhon fa petar lo planchòt!
Dissabte, los Dragonets s’impausèron sens problèma a Tolosa: 36-6.
Dimenge, amb lo retorn de Tòni Gigòt jol malhòt blau e blanc dels Bisons e lo còp del capèl (tres ensages) per JackPayne, Avinhon es sens pietat per Albi: 64-18.
A l’Agulha, dins lo freg d’un vèspre ivernenc, Limós ganha una partida que prenguèt jamai d’ample contra los Cavals Fòls de Palau que prenon un seisen punt de bònus defensiu mas qu’an totjorn pas ganhada una sola partida: 24-14.
De rescontres en retard se debanaràn aquesta dimenjada: Albi-Carcassona e Dragonets-Vilanòva (dissabte), St Gaudenç-Avinhon (dimenge).
Un Kiwi als Dragons
Per remplaçar David Mead, partit en Austràlia, los Dragons Catalans venon de faire signar lo centre neozelandés. Dean Whare. Aquel tres-quarts internacional qu’a jogat las darrièras doas Copas del Mond amb l’esquipa al kiwi (19 seleccions en tot), a tanben disputat 155 partidas en NRL siá a Manly (a comptar de 2010), siá cò de las Pantèras de Penrith dempuèi 2013. A marcat un quarantenat d’ensages. Jòga mai que mai al centre, mas se pòt tanben se posicionar a l’ala o a l’arrièr.
Los Sang e Aur se fan pas tròp d’illusions sus un retorn d’Israel Folau en tèrra catalana. Vertat que los esportius dels antipòdes tenon gaire d’enveja de venir jogar en Euròpa d’aquesta passa.
La competicion 2021 de Superliga començarà a la fin de març amb 6 partidas jogadas sus l’estadi de Leeds: doas cada jorn del divendres 26 al dimenge 28. Primièrs adversaris dels Dragons: los jogaires d’Hull KR lo dissabte 27 de març(18h15).
Sky-Sports retransmetrà las 6 partidas e los abonats dels clubs poiràn seguir la partida de lor formacion sus la cadena de la Superliga: Our League (modalitats de precisar).
La Dimenjada Magica es prevista pels 4 e 5 de setembre a Newcastle e la finala a Manchester lo dissabte 9 d’octòbre. Se tot se passa plan…
Lo calendièr del Tolosa Olimpic
Los tolosans an pres coneissença de lor calendièr en Championship: entamenaràn la sason pel Divendres Sant (2 d’abril) a York, abans de reçaupre Londres lo dissabte 17 d’abril a Ernest Wallon.
Los copiaires
Pel campionat dels XV de las províncias neozelandesas que comença en aquesta fin de febrièr, la federacion anóncia doas règlas novèlas inspiradas/copiadas de l’NRL:
— la possibilitat pel capitani d’una formacion de demandar un arbitratge vidèo
— una formacion qu’aplatís la pauma dins son en-but relançarà lo jòc per un remandadís als pès, non pas dels 22 mètres, mas de jols pals.
— una formacion qu’aplatís la pauma dins son en-but relançarà lo jòc per un remandadís als pès, non pas dels 22 mètres, mas de jols pals.
E òc, lo XIII es una sorsa permanenta d’inspiracion!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari