Actualitats
La cafeïna, pas totjorn bona per la santat
Segon un recent estudi fach per de cercaires de l’Universitat de Rochester, seriá pas brica bona pendent l’emprenhament
La cafeïna seriá una substància pas totjorn bona per la santat. Segon un recent estudi fach per de cercaires de l’Universitat de Rochester, seriá pas brica bona pendent l’emprenhament. La causa ne serián los tras qu’importants cambiaments dins lo cervèl que poirián puèi, long de la vida, entraïnar plusors problèmas. Aquestes serián ligats al fach que se sap que la cafeïna trespassa aisidament la barrièra de la placenta car lo fètus auriá pas pro d’enzims per l’arrestar.
Per ansin, lo nòu estudi soslinha que los cambiaments que pòt patir lo cervèl del fètus se produirián ja del temps qu’aqueste es dins l’utèr. “Los cambiaments que pòt patir lo fètus son pichonèls e son pas a l’origina de condicions psiquiatricas òrras, çò diguèt John Foxe, cap de l’estudi. Mas son de cambiaments que poirián generar tanben de problèmas de conducha dins l’avenidor. Aquò auriá d’entraïnar una revision dels efièches de tèrme long que pòt provocar la cafeïna pendent l’emprenhament”.
“Çò de mai normal, çò contunhèt lo cercaire, seriá qu’après conéisser la resulta d’aqueste estudi nòu, se soslinhèsse que prene cafeïna durant l’emprenhament es pas una bona idèa”. Per l’estudi, los scientifics analisèron de donadas magneticas de pus de 9500 mainatges amb d’edats situadas entre 9 e 10 ans. L’estudi èra inclús dins un autre pus grand sul desvolopament cognitiu e del cervèl dels adolescents realizat ongan.
De cambiaments durant un temps long
Los cercaires de la còla que faguèt aqueste estudi an trobat que i aviá de cambiaments importants dins lo cervèl dels fètus se la maire beviá de cafè durant un long periòde de temps pendent l’emprenhament. Pasmens, los cercaires an tanben volgut avisar que l’estudi èra estat fach de manièra retrospectiva a partir dels remembres de maires qu’ara an d’enfants que sas edats son compresas entre 9 e 10 ans.
Durant lors trabalhs, los cercaires an trapat que cèrts mainatges avián de problèmas de conducha diferents, una dificultat mai granda d’atencion e d’iperactivitat. “ Çò de segur es que i a un tipe de conducha desparièr quand la maire prenguèt de cafeïna pendent l’emprenhament, çò assolidèt Zachary Christensen, tanben participant d’aquel estudi. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Per ansin, lo nòu estudi soslinha que los cambiaments que pòt patir lo cervèl del fètus se produirián ja del temps qu’aqueste es dins l’utèr. “Los cambiaments que pòt patir lo fètus son pichonèls e son pas a l’origina de condicions psiquiatricas òrras, çò diguèt John Foxe, cap de l’estudi. Mas son de cambiaments que poirián generar tanben de problèmas de conducha dins l’avenidor. Aquò auriá d’entraïnar una revision dels efièches de tèrme long que pòt provocar la cafeïna pendent l’emprenhament”.
“Çò de mai normal, çò contunhèt lo cercaire, seriá qu’après conéisser la resulta d’aqueste estudi nòu, se soslinhèsse que prene cafeïna durant l’emprenhament es pas una bona idèa”. Per l’estudi, los scientifics analisèron de donadas magneticas de pus de 9500 mainatges amb d’edats situadas entre 9 e 10 ans. L’estudi èra inclús dins un autre pus grand sul desvolopament cognitiu e del cervèl dels adolescents realizat ongan.
De cambiaments durant un temps long
Los cercaires de la còla que faguèt aqueste estudi an trobat que i aviá de cambiaments importants dins lo cervèl dels fètus se la maire beviá de cafè durant un long periòde de temps pendent l’emprenhament. Pasmens, los cercaires an tanben volgut avisar que l’estudi èra estat fach de manièra retrospectiva a partir dels remembres de maires qu’ara an d’enfants que sas edats son compresas entre 9 e 10 ans.
Durant lors trabalhs, los cercaires an trapat que cèrts mainatges avián de problèmas de conducha diferents, una dificultat mai granda d’atencion e d’iperactivitat. “ Çò de segur es que i a un tipe de conducha desparièr quand la maire prenguèt de cafeïna pendent l’emprenhament, çò assolidèt Zachary Christensen, tanben participant d’aquel estudi. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per l'emprenhat pot ser dolent, mas lo cafè a causas molt bonas per la salut, dóna força per trabalhar durant lo matin amb anim, e se non prenguesen cafè la gent non s'aguantaria e auria mal de cap.
I a tanben -e aquo es mai susprenent per ço qu'en fach es una dròga- un fum d'estudis que mostran d'efèctes *positius* de la cafeïna. Vertadierament un molon. De segur pendent l'emprenhament o per lei mainatges es mai complicat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari