Actualitats
An mandat per la pòsta de iodur de potassi als abitants de près de las centralas nuclearas
Ingerir aquela potinga protegís la tiroïda contra l’iòde radioactiu que poiriá èsser difusat dins l’environament en cas d’accident nuclear
Los abitants de Bahòus de Céser (Garrigas) venon de recebre per la pòsta de comprimits de iodur de potassi. La Direccion Generala de la Santat lor los a mandats a eles, e a 2,2 milions de ciutadans de l’estat francés que vivon o trabalhan près d’un sit nuclear. Es lo cas dels banholencs que se tròban a 20 quilomètres a vòl d’aucèl de la centrala de Tricastin.
La Direccion Generala de la Santat a mandat per la pòsta de comprimits de iodur de potassi a totes los ciutadans que demòran o trabalhan a un rai de 20 quilomètres d’una centrala nucleara e que los aurián pas recuperats dins una farmacia.
Dempuèi près de 25 ans, l’estat francés distribuís aquel medicament en aquelas zònas e lancèt una nòva campanha a partir de setembre de 2019. Los abitants se podián procurar los comprimits a gratis a las farmacias. Mas dempuèi lo 28 de genièr passat se decidiguèt d’enviar los medicaments per la pòsta a aqueles ostals identificats que se'n serián pas provesits a la farmacia.
Ingerir aquela potinga protegís la tiroïda contra l’iòde radioactiu que poiriá èsser difusat dins l’environament en cas d’accident nuclear. Mas cal far atencion. Aquela potinga se pòt solament ingerir en cas d’incident e sul vejaire de las autoritats medicalas.
1/4 #campagneiode | Pourquoi prendre des comprimés d'iode ?
— Ordre Pharmaciens (@Ordre_Pharma) February 15, 2021
Pour protéger les personnes en cas de rejets radioactifs, le préfet peut demander de prendre des actions de #protection : mise à l’abri, évacuation, prise de comprimés d’#iode stable pic.twitter.com/q8sNxnXxKA
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es çò que se ditz : se trufar del mond.
Primièr aurián degut informar suks dangièrs de las centralas nuclearas;
2 : dire qu'un accident es possible en remembrant Tchernobil, Three Miles Island e Fukushima;
3 : explicar l'interés de prene aquelas pastilhas;
4 : mostrar cossí far.
A tot aquò en "presencial", coma se ditz ara, e pas vergonhosament a la chut chut.
Lo govèrnament (o EDF qu'es parièr) fa coma los patrons bandits qu'anóncian per corric que l'usina tampa e que son totes meses al caumatge.
Es aquò la Macronia : l'engana e la dissimulation permanents. Se'n caldrà sovenir dins un an.
Dins l'estart-up naition i a pas d'uman en fàcia : sonque un ecran !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari