Actualitats
Lo Parlament Europèu a fach lo primièr pas per levar l’immunitat de Puigdemont, Ponsatí e Comín
La justícia espanhòla demanda a l’eurocambra que se retire l’immunitat dels politicians catalans en exili per poder demandar lor extradicion
Amb 15 vòtes en favor, 8 contra e 2 abstencions, an aprovat la primièra estapa per acceptar la demanda de la Cort Suprèma espanhòla, que sollicita del Parlament Europèu que lor lève l’immunitat per poder puèi demandar l’extradicion dels tres catalans. Ara, aquela pèrda de l’immunitat se deu votar dins l’eurocambra. Es probable que los 705 eurodeputats o vòten durant la sesilha de l’8 de març. Puèi, la justícia de Belgica deurà contunhar d’examinar los mandats d’arrèst que l’immunitat parlamentària aviá suspendudas.
Los partits politics espanhòls que vòlon l’encarceracion de Puigdemont, Ponsatí e Comín son lo Partit Popular, lo Partit Socialista, Ciutadans e Vox, qu’amb lors aliats de l’eurocambra son majoritaris al Parlament.
En cas fòrça probable que lor lèven l’immunitat, los tres elegits contunharàn d’èsser eurodeputats amb totes lors dreches e devers. Sonque quitaràn d’aver l’immunitat. Aquò vòl dire que lor caldriá tornar comparéisser davant la justícia bèlga. La justícia espanhòla demanda lor extradicion en los acusant de sedicion e malversacion. Se los jutges d’aqueles païses decidiguèsson lor extradicion, serián jutjats e condemnats en Espanha.
Lo precedent de Lluís Puig
Totun, poiriá èsser decisiu lo precedent de Lluís Puig, politician independentista catalan exiliat a Brussèlas e qu’es pas eurodeputat. La justíca bèlga rebutèt en agost passat, pel tresen còp, son extradicion car considèra que la Cort Suprèma espanhòla es pas competenta per jutjar los elegits catalans en exili.
La proposition de lever l'immunité de trois députés catalans est un grave précédent : le Parlement propose de livrer ses députés aux poursuites politiques d'un Etat membre.
— Manon Aubry (@ManonAubryFr) February 23, 2021
Ce n'est pas là une assemblée souveraine garante de l'état de droit, mais une parodie démocratique.
(1/2) FIL
— Consell per la República Catalana (@ConsellxRep) February 23, 2021
La Comissió Jurídica del PE s'ha pronunciat amb un resultat que no per previst deixem de lamentar.
Que els partits espanyols hagin arrossegat una majoria del PE a adoptar una decisió incompatible amb els principis de l'estat de dret fa d'avui un dia negre...
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6
ah ben aquò per tsemple !
E de qu'un es l'indici de libertat economic de fransa ? E de qu'un ranc tenèm ?
#4 Efectivament, car(a) Nas de Guit, quand s'agís de criticar l'ultraliberalisme, generalament, soi sense cap nuéncias. Deisiri de tot cò que la seguida d'aqueste afar me done tòrt e que siatz, vos, dins la rason…
Se jutjarà lo nivèl democratic del parlament europèu a la sesilha plenària.
E serà bon de relevar quins son los deputats franceses democratas.
#1 Que tròbi que lo vòste comentari e manca de nuança sus l'Euròpa, e sus l'ahar catalan duas causas: arren n'ei enqüèra jogat, qu'ac ditz l'article e, qu'ac ditz aqueste editoriau (https://www.vilaweb.cat/noticies/suplicatori-un-zugzwang-monumental-al-parlament-europeu/), qu'ei lhèu ua auta institucion europèa qui arrestarà las pretensions deu poder espanhòu. D'auta part, los eurodeputats catalans eths medishs que disen que la pression deus eurodeputats espanhòus au PE ei estada hèra enòrma: https://www.vilaweb.cat/noticies/pugidemont-comin-ponsati-denuncien-pressio-eurodiputats-espanyols-suplicatori/
#2 Que crei que n'avetz pas plan lejut l'article.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari