Actualitats
Las proprietats de la poma
A de compausants pròneurogenics dins sas pèl e carn qu’ajudan fòrça a crear de nòvas cellulas cerebralas
Un recent estudi fach sus las propietats de la poma confirmèt qu’a de compausants pròneurogenics dins sas pèl e carn qu’ajudan fòrça a crear de nòvas cellulas cerebralas. Per ansin, ara s’es descobèrt que la quercitina e l’acid diodroxibenzoic entraïnan la produccion de nòvas cellulas dins lo cervèl. L’estudi es publicat dins lo numeric Stem Cell Reports.
L’estudi foguèt realizat per Gerd Kempermann, de l’Universitat Tecnica de Drèsda, e sos collègas. Foguèt aital que se trapèt que de grandas concentracions de quercitina, un compausant de la poma, pòdon plan ajudar a estimular la creacion cerebrala de nòvas cellulas, un procès conegut tanben amb lo nom scientific de neurogenèsi.
“La poma es una noiridura universala, çò diguèron los cercaires que participavan a aquel estudi. Caliá doncas descobrir se conteniá tanben de substàncias que podián èsser tanben beneficas per la santat. E es estat trapat que ne conten fòrça e qu’ajudan a produire la neurogenèsi de l’ipocamp cerebral dels adultes”.
“Primièr, faguèrem un estudi sus la quercitina, un compausant que se tròba aisidament dins la pèl d’una poma, çò apondèron los scientifics. Puèi foguèt estudiat se podiam identificar tanplan de compausants pròneurogenics”. Çò que descobriguèron aqueles cercaires es que lo cervèl d’una mirga genèra mai de neurònas e qu’aquestas son protegidas mai encara de la mòrt se la mirga manja mai de poma, que conten mai de quercitina.
Aquò entraïnava dins la cervèl de las mirgas una melhor compreneson a l’ora d’aprene, en mai d’una memòria mai longa pr’amor qu’avián mai de neurònas generadas dirèctament per la quercitina. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
L’estudi foguèt realizat per Gerd Kempermann, de l’Universitat Tecnica de Drèsda, e sos collègas. Foguèt aital que se trapèt que de grandas concentracions de quercitina, un compausant de la poma, pòdon plan ajudar a estimular la creacion cerebrala de nòvas cellulas, un procès conegut tanben amb lo nom scientific de neurogenèsi.
“La poma es una noiridura universala, çò diguèron los cercaires que participavan a aquel estudi. Caliá doncas descobrir se conteniá tanben de substàncias que podián èsser tanben beneficas per la santat. E es estat trapat que ne conten fòrça e qu’ajudan a produire la neurogenèsi de l’ipocamp cerebral dels adultes”.
“Primièr, faguèrem un estudi sus la quercitina, un compausant que se tròba aisidament dins la pèl d’una poma, çò apondèron los scientifics. Puèi foguèt estudiat se podiam identificar tanplan de compausants pròneurogenics”. Çò que descobriguèron aqueles cercaires es que lo cervèl d’una mirga genèra mai de neurònas e qu’aquestas son protegidas mai encara de la mòrt se la mirga manja mai de poma, que conten mai de quercitina.
Aquò entraïnava dins la cervèl de las mirgas una melhor compreneson a l’ora d’aprene, en mai d’una memòria mai longa pr’amor qu’avián mai de neurònas generadas dirèctament per la quercitina. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quitament quand la poma te tomba sul cap, te reviscola las neurònas, coma li arribèt al brave Isaac (Newton) que descobriguèt aital la lei de la gravetat.
Las pomas amb pelh ajudan a anar de ventre, e Las pomas peladas restrenhen. Tamben es cert que reforçan lo cap. E que la poma ho podem pas oblidar, es dis a la part intima de la dona, coma tots sabetz; se pas per què, betleu per Adam e Eva del paradis.
#1 En gascon que disem: "Un còp de vin, un escut de mensh tau medecin" ;-)
La savièssa populari dis : una poma per jorn ten lo metge fòra l'ostal!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari