Actualitats
Aran: un editorial de ràdio amòda de tensions politicas
Los partits de l’oposicion defendon la libertat de la premsa
La Corporacion Catalana de Mèdias Audiovisuals (CCMA) a confirmat a la redaccion de Jornalet qu’avián recebut una letra de planh del Conselh General d’Aran per aquel editorial.
A mai, ièr divendres, 26 de febrièr, lo partit Unitat d’Aran, que dirigís lo Conselh General d’Aran, publiquèt un comunicat fòrça critic envèrs lo jornalista Iñaki Delaurens. Segon aquel comunicat, Delaurens “manifèste confuses informacions e grèus acusacions” contra la pus nauta institucion de la Val, “damb un lenguatge absoludaments impròpri e grolhèr, que non aurie de tolerar-se en un mèdia public”.
Sul pic reagiguèt Convergéncia Aranesa, que manifestèt son sosten amb lo jornalista e amb la libertat de la premsa, e planguèt qu’aquel comunicat los acusèsse de manipular la ràdio publica aranesa.
De son costat, la formacion esquerrista Amassa s’es declarada defensora d’un jornalisme “independent e coratjós” en tot plànher que lo govèrn d’Aran “monopolize eth messatge”, siá incapable “d'adméter es errors” e que “non accèpte era critica”.
COMUNICAT D’UNITAT D’ARAN DEUANT DES DARRÈRI ACONTEISHEMENTS E MANIFESTACIONS PUBLIQUES Viuem tempsi d'extrèma...
Pubblicato da Unitat d'Aran su Dijous, 25 de febrer de 2021
Convergéncia Aranesa condena rotundamente el último comunicado de Unitat d’Aran-PSC y lamenta profundamente que...
Pubblicato da Convergéncia Aranesa su Dijous, 25 de febrer de 2021
Deuant un govèrn que monopolize eth messatge, qu'ei incapaç d'adméter es errors e que non accèpte era critica, auem mès...
Pubblicato da Amassa su Divendres, 26 de febrer de 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4
Enquèra lo nòstre "endà" de servici que vòl tombar l'occitanisme. Nos daissarem pas far macarèl !
#6 Anna : mercés per aver fòrça plan respondut a n'aquel arlèri de Hilh ( qui s'amaga jos aquel escais ?)
#8 que's parla de covid, de politica sanitària, d'arrelacions medias-autoritats en aquera crisi e que feneishem parlant d'Occitanisme, de PSOE, de catalanisme. Donc òc, que pareish suber-politizat, o mau politizat, com volhis
#7 N'èi pas escotat l'editoriau, ne sèi pas qué hasó lo govèrn d'Aran, mes que'm brombi d'un article recent on s'i reportava que lo govèrn d'Aran arcastava a la Generalitat de confinar los aranés dens la vath per'mor que la frontèra n'èra pas ubèrta, com s'èra competéncia de la Generalitat de l'obrir. D'auta part, ne crei pas que Ferriòl, qui a redigit, shens dobte aqueste article e l'editoriau, e deploraré las ataca deu govèrn aranés contra la Generalitat se aquestes èran justificats: qu'ei tròp prò-occitan entad aquò. Enfin, la màger part deus títols de premsa que segueishen ua linha politica, e sus un article on s'i parla de politica, n'ei pas "suberpolitizar" que d'escríver comentaris on cadun da la soa opinion. Mes tant qui s'ageish de criticar l'occitanisme...
#6 Qu'atz rason, d'ací estant non coneishem pro aqueths ahars e la politica catalano-aranesa , sustot sus un tèma grèu com aqueth deu covid, non la deurém jutjar tant viste. N'èi pas de rasons sufisentas endà criticar aqueth editoriau. Totun, qu'ei parièr en l'aute sens, que'n hèn ua istòria de catalanisme, de PSOE etc... Quau escotè l'editoriau, quau pòt díser aver seguit l'épidemia e las politicas desplegadas per las autoritats aranesas e catalanas, aquiu devath? Per principi la libertat de la premsa qu'ei importanta; totun lo dever de la premsa d'informar com cau e shens partisanizar tot aquerò que n'ei tanben. Que deishim donc los concernits debater shens hornir suber-politizacion sus un ahar dejà pro suber-politizat
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari