D’estudiants de l’Universitat Autonòma de Chapingo, en Mexic, an desvolopat una aplicacion per telefòns intelligents e tauletas que compren de diccionaris de 15 lengas originàrias e, per ara, aperaquí 10 000 mots e un centenat de tèxtes. La tòca per l’estiu es d’aténher las 60 lengas que se parlan dins aquela universitat.
 
Apelada MiyotlApp, l’aplicacion se presentèt la setmana passada a l’escasença del jorn internacional de la lenga mairala e son objectiu es d’ajudar a la comunicacion de las personas que vesitan los territòris ont se parla aquelas lengas. 
 
Delà los 15 diccionaris, MiyotlApp conten de tèxtes sus la gastronomia, las tradicions, la natura, de contes, de poèmas, etc. dels diferents territòris. A una estapa seguenta, s’apondrà a l’aplicacion una manièra mai eficaça d’ajustar de mots . “L’idèa es mai que d’entrepausar las lengas mairalas, volèm desvolopar la consciéncia e la reflexion sul fach qu’avèm una riquesa culturala que cal preservar, que cal èsser mai inclusius e responsables amb nòstras raices”, çò dison.
 
Lo nom del projècte ven del mot nahuatl miyotl que vòl dire rai de lutz.
 
Mai d’informacion sus proyecto-miyotl.web.app




 

Con el propósito de rescatar 68 lenguas maternas y la desaparición de cultura, tradiciones y la concepción del universo de los pueblos originarios, estudiantes de la @uach_chapingo lanzaron la aplicación “Miyotl”, que en náhuatl significa “rayito de luz”.https://t.co/2lVRWe2IpP

— cobertura360mx (@cobertura360mx) February 25, 2021