Una cinquantena de militants de Roergue an recebut de multas sens èsser estats verbalizats e sens aver quitament la possibilitat de contestar l’afar davant un tribunal, çò denóncia Reporterre. Aquela pluèja d'emendas “sens contacte” a luòc après las manifestacions pòstconfinament del mes de mai de 2020 en sosten als professionals de la santat o contra la marrida gestion de la crisi. La rason de la majoritat d’aquelas multas non verbalizadas es la reünion de mai de dètz personas per carrièras.
 
Segon lo quotidian de l’ecologia, que cita Numerama, los agents an observat las manifestacions per mejan de las camèras de videosusvelhança e de la geolocalizacion dels telefòns mobils per identificar totes los manifestants qu’an pogut e mai portèsson de mascas. Un grop de 25 verbalizats an contestat collectivament las emendas.
 
Un de las personas que lor son estadas infligidas de multas, Christian Roqueirol, membre istoric de la Confederacion Païsana, a quitament recebut una injoncion a pagar amb lo blocatge de la soma sus son compte en banca. Es encara sens audiéncia al tribunal. 
 
 

Des manifestants identifiés à distance malgré un masque et verbalisés.
"« On ne communiquera pas plus sur cette affaire. C’est une histoire qui n‘en est pas une, où nous estimons avoir fait notre travail  » répond à Numerama la Direction Départementale de la Sécurité Publique". https://t.co/iEmValH2aF

— Guillaume Champeau (@gchampeau) July 16, 2020

Numerama