Actualitats
Nos a quitats Sèrgi Bèc, poèta de l’amor e de la guèrra
Introductor del surrealisme dins la poesia occitana amb sos poèmas d’amor e de desir per Anna, manifestèt tanben sa colèra envèrs la guèrra e la mòrt
Nos a quitats l’escrivan e poèta provençal Sèrgi Bèc a 87 ans. Introduguèt lo surrealisme dins la literatura occitana.
Sos poèmas se consagran al desir incandescent per una femna unica, l’Anna inspiratritz e destinatària de tota l’òbra. Dins Miegterrana (1957) e Lei Cants de l’èstre fòu (1959) dessenhèt un univèrs erotic. Pasmens, sa participacion a la guèrra d’Argeria lo menèt a escriure Memòria de la carn (1960), un crit de denóncia e de colèra. Aital, la guèrra e la mòrt fan partida de son òbra ont tanben condemna las guèrras de Vietnam e del Golf. Amb Galina blanca e marrit can (1969) declarèt son engatjament dins l’occitanisme. Es tanben un romancièr en francés e participèt o escriguèt mai d'un libre sul patrimòni natural e cultural de Provença.
Sèrgi Bèc nasquèt en 1933 a Cavalhon (Comtat Venaicin) mas dempuèi son enfança demorava al País d’Ate. Après d'estudis de letras, foguèt jornalista e critic. A partir de 1977, abandonèt lo jornalisme per se consagrar a la cultura per la vila d'Ate. Puèi aprèp 1983, trabalhèt coma director adjonch del pargue natural de Leberon, un entorn que l’inspirèt fòrça, coma o explica dins l’entrevista vidèo difusada en 1998 sus France 3 que podètz veire en seguida gràcias a l’INA.
Tanben prepausam lo fragment de son poèma “T’ai amada”. Lo podètz escotar sul sit d’Occitanica recitat pel quite Sèrgi Bèc.
Sos poèmas se consagran al desir incandescent per una femna unica, l’Anna inspiratritz e destinatària de tota l’òbra. Dins Miegterrana (1957) e Lei Cants de l’èstre fòu (1959) dessenhèt un univèrs erotic. Pasmens, sa participacion a la guèrra d’Argeria lo menèt a escriure Memòria de la carn (1960), un crit de denóncia e de colèra. Aital, la guèrra e la mòrt fan partida de son òbra ont tanben condemna las guèrras de Vietnam e del Golf. Amb Galina blanca e marrit can (1969) declarèt son engatjament dins l’occitanisme. Es tanben un romancièr en francés e participèt o escriguèt mai d'un libre sul patrimòni natural e cultural de Provença.
Sèrgi Bèc nasquèt en 1933 a Cavalhon (Comtat Venaicin) mas dempuèi son enfança demorava al País d’Ate. Après d'estudis de letras, foguèt jornalista e critic. A partir de 1977, abandonèt lo jornalisme per se consagrar a la cultura per la vila d'Ate. Puèi aprèp 1983, trabalhèt coma director adjonch del pargue natural de Leberon, un entorn que l’inspirèt fòrça, coma o explica dins l’entrevista vidèo difusada en 1998 sus France 3 que podètz veire en seguida gràcias a l’INA.
Tanben prepausam lo fragment de son poèma “T’ai amada”. Lo podètz escotar sul sit d’Occitanica recitat pel quite Sèrgi Bèc.
T'ai amada dins l'acabament dei sens
quora la luna s'esposca dins teis uelhs
ambe son regard de Joconda liparèla
e fai lingueta au cèu sin que pòrta pèira
e per engana descabussa ta sòm
onte m'assosta desempuei l'espelida
dau Mond coma dins lo non-ren de l'amor
quora la luna s'esposca dins teis uelhs
ambe son regard de Joconda liparèla
e fai lingueta au cèu sin que pòrta pèira
e per engana descabussa ta sòm
onte m'assosta desempuei l'espelida
dau Mond coma dins lo non-ren de l'amor
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sèrgi Bèc militèt tanben per convidar a despassar lo conflicte estèrle entre los tenents de la grafia dita 'mistralenca" e la grafia dita "classica". Escriguèt son òbra dins un e l'autra grafia, en totala independéncia, e amb l'èima alandat a totes ! Un exemple !
Fasia cara de bona persona,e s'era occitanista ja ten lo cel guanhat. Que descanse en patz.
Lo surrealisme èra present dins la poesie occitana tre las annadas 30 ambe un autor coma Pau-LoIs Granièr. Sèrgi Bec li donèt segurament une dimension suplementària.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari