Actualitats
La sindica d’Aran reclama de mesuras especificas pel país fàcia a la covid-19
La varianta britanica e los desplaçaments nombroses explicarián la situacion sanitària critica que la patís la Val d’Aran
Davant aquela situacion, la sindica d’Aran, Maria Vergés, demanda a la Generalitat de Catalonha mai de contraròtles de mobilitat car considèra qu’es “insufisent” que se fagan solament dins las dimenjadas. Tanben sollicita de mesuras especificas per las escòlas d’Aran. Vielha a remembrat a Barcelona que lo Conselh General d’Aran a pas de competénciasdins los domenis de l'interior e de l'educacion, e qu'es la Generalitat que deu prene de mesuras. A mai, Vergés desira d'autras mesuras urgentas coma mai de vaccins e que se pense a un procès de desescalada sanitària adaptat a Aran.
Vergés a tanplan demandat de poder far una segonda PCR als positius de covid-19 après los primièrs dètz jorns, en seguida d’una proposicion de Convergéncia Democratica Aranesa.
188 multas en tres jorns
Los Mòssis d’Esquadra rapòrtan que s'es intensificat los contraròtles als accèsses d’Aran. Dimars passat, indicavanqu’entre lo 26 e lo 28 de febrièr avián denonciat 188 personas que se volián desplaçar en Aran sens justificacion. Volián anar en Aran per esquiar opassar la dimenjada dins lors residéncias segondàrias.
Pasmens, aquí ont an fach virar mai de veituras es a la frontièra amb Comenge. S’agís de mond que se volián gandir a Les o a Bossòst per far de crompas.
Eth contròl dera mobilitat, er aument de vacunes, es mesures enes escòles araneses e eth dessenh d’un procès de desescalada especific son es reclamacions qu’eth Conselh a hèt a arribar as conselhèrs de @salutcat, @educaciocat, @govern e @interiorcat, atau coma a @perearagonespic.twitter.com/8edR1bCEga
— Conselh Generau Aran (@conselharan) March 1, 2021
La síndica d'Aran reclama mesures concretes per frenar la #COVID19
— LLEIDA.COM (@lleidacom) March 2, 2021
@mariaverges78 vol que els controls de mobilitat s'intensifiquin i diu que no s'haurien de reduir als caps de setmanahttps://t.co/iVskhXMK7H
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari