Actualitats
Vals Pò e Infernòt en zòna roja de coronavirus
Se vòl empedir la difusion de la varianta britanica enregistrada en gròssas dimensions dins la vesina vila piemontesa de Cavour
La Val Pò es en zòna roja per lo coronavirus. La region Piemont, en acòrdi amb lo ministèri de la santat italian a instituit la “zòna roja” en Val Pò, en particular a Criçòl, Ostana, Oncin, Paisana, Sant Frònt, Rifred, Gambasca, Martinhana, Revèl, Envie, e en Val Infernòt (Barge, Banhòl) per arrestar la difusion de la varianta britanica enregistrada en gròssas dimensions dins la vesina vila piemontesa de Cavour, dins la Ciutat Metropolitana de Turin.
La decision de la region Piemont es arribada un pauc per suspresa dins lo ser de dimars passat, 2 de març, en tot començar lo dimècres 3 de març a 19h.
La zòna roja prevei lo confinament de personas a l’excepcion dels cases necessaris coma trabalh, comission e salut. Son barrats los negòcis, las ostalariás e los restaurants. Los mercats e las plaças son dobèrts mas solament per l’alimentari. Quant a las escòlas, son barradas de l’elementari fins al superior, e los escolans que frequentan d’escòlas de fòra la zòna roja deuràn seguir l’ensenhament per videoconferéncia.
Dijòus passat, 4 de març, lo cònsol màger de Banhòl se revelèt positiu al coronavirus. Se tròba en isolament sens simptòmas. Es pas lo cas de sa femna qu’es ja vaccinada. Aquel meteis jorn se detectèt lo primièr cas de la varianta britanica a Barge.
Ara, la region Piemont es a establir un plan especific de vaccinacions per las zònas rojas, que se faràn dirèctament dins los locals sanitaris dels vilatges afectats.
Per ara, la zòna roja per la Val Pò deuriá durar 15 jorns. Vist l’aument dels cases de coronavirus, se pòt pas exclure que tot Piemont passe en zòna roja.
Mattia Pepino/Redaccion
Carta interactiva de la region Piemont
La decision de la region Piemont es arribada un pauc per suspresa dins lo ser de dimars passat, 2 de març, en tot començar lo dimècres 3 de març a 19h.
La zòna roja prevei lo confinament de personas a l’excepcion dels cases necessaris coma trabalh, comission e salut. Son barrats los negòcis, las ostalariás e los restaurants. Los mercats e las plaças son dobèrts mas solament per l’alimentari. Quant a las escòlas, son barradas de l’elementari fins al superior, e los escolans que frequentan d’escòlas de fòra la zòna roja deuràn seguir l’ensenhament per videoconferéncia.
Dijòus passat, 4 de març, lo cònsol màger de Banhòl se revelèt positiu al coronavirus. Se tròba en isolament sens simptòmas. Es pas lo cas de sa femna qu’es ja vaccinada. Aquel meteis jorn se detectèt lo primièr cas de la varianta britanica a Barge.
Ara, la region Piemont es a establir un plan especific de vaccinacions per las zònas rojas, que se faràn dirèctament dins los locals sanitaris dels vilatges afectats.
Per ara, la zòna roja per la Val Pò deuriá durar 15 jorns. Vist l’aument dels cases de coronavirus, se pòt pas exclure que tot Piemont passe en zòna roja.
Mattia Pepino/Redaccion
Carta interactiva de la region Piemont
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Praube Lachaud, jo ne l'èi pas, la television, lavetz ne sèi pas quin aurí ua television en plaça deu cervèt. Vos, per contra, que i avetz cadenas Youtube, a çò qui sembla.
La femna era vacinada; a pas attrapat lo Covid 19. L'òme z'era pas e l'attrapet... I cresetz a d'aquò
I a una prumiera varianta dau covid 19... I cresetz a d'aquò?
Chaldra vaccinar un còp, dos còps, tres còps... I cresetz a d'aquò?
Los vaccins son anodins. En abusar pòd pas vos far de mau. I cresetz a d'aquò?
Los covid 19 es una evidença. I a qu'un sol medicament, la vaccinacion. I cresetz a d'aquò?
Totas las autras medecinas son de la podra a Perlimpim? I cresetz a d'aquò?
E ben, cresetz. Mas, fariatz plan de comprener qu'avetz dins la testa una television en plaça d'una cervela.
Cresetz que lo confinament, los mascs, la barradura daus restaurants, cafès, daus petits commercis vai durar quauque temps solament, que van s'acabar emben la vaccinacion de tot lo monde?. Es ben non es la condicion novela de la vita mesme.
Visatz d'un pauç pus près la realitat avant que la dictatura sanitaria devena la dictatura tota sola.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari