Actualitats
Set de lenga. 195 escolans a l'entorn de l'illustracion d'arreproèrs biarnés
Las illustracions son exposadas al peristile de la maison comuna de Pau
Cafés e restaurants de l’aglomeracion palesa que s’ondrèren, deu 12 dinc au 19 d’abriu, de 12 arreproèrs bearnés. De mei, dinc au 27 d’abriu, totas las illustracions que son exposadas dens lo peristile de la maison comuna de Pau.
Las illustracions d'aqueras expressions que las an hèitas escolans de la mairau dinc au licèu, dens l’encastre de talhèrs de practica artistica, dab un artista-intervienent, plastician-grafista tipografe: Patrice Chaminade, ancian ensenhaire a l’escòla de las Bèras Arts de Pau.
"Set de lenga" qu’ei ua proposicion hèita per Le Bel Ordinaire, lo Centre d'art contemporanèu de la C.D.A Pau Pirenèus, en partenariat dab la direccion deus ahars culturaus de la C.D.A., lo CAP'Òc , e l'InÒc Aquitània. Deu 12 dinc au 19 d’abriu, que i avè las travalhetas dens los restaurants e los cafès de l'aglomeracion Pau-Pirenèus Aqueras travalhetas au format "A3-paisatge", que s'emberogeishèn d’expressions tradicionaus bearnesas.
"Set de lenga" qu’ei ua proposicion hèita per Le Bel Ordinaire, lo Centre d'art contemporanèu de la C.D.A Pau Pirenèus, en partenariat dab la direccion deus ahars culturaus de la C.D.A., lo CAP'Òc , e l'InÒc Aquitània. Deu 12 dinc au 19 d’abriu, que i avè las travalhetas dens los restaurants e los cafès de l'aglomeracion Pau-Pirenèus Aqueras travalhetas au format "A3-paisatge", que s'emberogeishèn d’expressions tradicionaus bearnesas.
La brocadura deu Centre d’art contemporanèu de l’aglomeracion palesa (genèr-junh) qu’ei tanben en occitan. Qu’acompanha atau la dinamica de promocion de la cultura occitana de la C.D.A Pau Pirenèus.
Le Bel Ordinaire que s’engatja tanben a prepausar visitas bilinguas de las soas mustras.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Palés/Palesa" o "Paulin/Paulina" autanplan
(per info sonque)
Los estatjants de Pau son de "palés". Mercés
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari