Es aqueste dijòus 11 de març que lo campionat NRL de XIII coneisserà sa primièra partida de la sason novèla amb una aficha bèla. Los campions de Melbourne reçaupràn los Lapinons de Sydney, un rescontre entre dos pretendents al títol.
Los telespectators occitans poiràn seguir aquesta partida sus BeInSport coma Brisbane-Parramatta divendres; los Polets de Sydney contra Manly, dissabte; Canberra contra los Tigres de l’Oèst dimenge.
De règlas novèlas seràn aplicadas per accelerar encara lo jòc. Coma favorits, se pòt totjorn comptar sus Melbourne, las pantèras de Penrith, los Polets e los Lapinons. Òm compta plan de véser los Bròncos de Brisbane presentar un autre visatge que la sason passada ont se trigossèron en fin de classament.
Dins l’annada, l’NRL designarà la 17a esquipa qu’integrarà la competicion en 2023 e que deuriá èsser del costat de Brisbane.
E se parla d’una 18a formacion per 2025 amb un cambiament de formula possibla de la competicion e de possibilitats d’expansion cap a la Nòva Zelanda (una autra formacion en mai dels Warriors) o (perqué pas?) Papoa amb una candidatura ja anonciada pel primièr ministre papó.
Un cinquantenat de jogaires sus la pelena de Giral
Granda revista d’efectiu aqueste dissabte 6 de març a Perpinhan, a l’Estadi Giral. Per l’oposicion entre los Dragons e lo XIII del President (jogaires d’Elèit 1), Steve McNamara faguèt jogar lo primièr temps als Dragons e lo segond temps a l’esquipa de resèrva (29 jogaires utilizats!). Costat Elèit 1, l’entraïnaire Fraissinós faguèt virar 21 jogaires.
Las primièras minutas mostrèron que los Dragons èran escaufats aprèp solament una setmana d’entraïnament collectiu. Sam Tomkins faguèt doas traucadas bèlas. Se deguèt cambiar d’arbitre que, dos còps, En Casty se trapèt pel sòl aprèp de collisions amb jogaires! 28-6 pels Dragons a la pausa.
Dins lo segond temps, la coesion dels Dragonets prenguèt lo pas sus la bona volontat dels Blaus per clavar la partida sus un 50-18 en favor dels catalans (Véser o tornar véser la partida).
Una partida seguida de prèp pels espectators quinzistas de l’USAP, enfin… per lor efígia de carton!
Als entraïnaires de tirar las leiçons d’una partida fòra nòrmas e d’i trapar los mejans de bastir lo XIII de França qu’anirà disputar la Copa del Mond aquesta tardor en Anglatèrra.
Los responsables de la competicion asseguran per ara que los 3 campionats (òmes, femeninas e cadieral) se poiràn téner dins las melhoras condicions.
Uniformizar las règlas?
Los jogaires d’Elèit 1 deguèron jogar la partida amb las règlas que seràn aplicablas en Superliga ongan. La competicion mondiala se deuriá debanar segon las règlas australianas. L’entraïnaire del Tolosa Olimpic, Silvan Houlès, plaideja per una uniformizacion de las règlas del mai bèl campionat a la mai regionala de las competicions de la planeta tretzista. Ara per ara, avèm tres sistèmas: las règlas australianas, las règlas de la Superliga e las règlas internacionalas encara non modificadas! Aquò deuriá èsser un talhièr bèl per la federacion internacionala.
Tolosa en Anglatèrra?
Lo Tolosa Olimpic es a l’espèra de decisions anglesas a respècte dels quaranta ans e de la possibilitat de public dins los estadis. Las autras formacions del Championship desirarián que Tolosa joguèsse sas partidas a domicili… en Anglatèrra. De seguir!
Elèit 1: una jornada de ratrapatge
La Federacion prevei lo debanament de la finala del campionat pel 19 o lo 20 de junh. La Copa (en cèrca de nom) deuriá seguir per una finala cap al 10 de julh.
Aprèp Olivièr Elima escartat de la direccion de Palau, es Fabian Devecchi que paga los marrits resultats de Vilanòva e qu’es pregat per la direccion del club de daissar l’entraïnament dels Leupards.
Per ara, lo campionat repren amb una jornada de ratrapatge e de protocòls sanitaris refortits. Son al programa de la dimenjada: Carcassona-St Gaudenç; Limós-Vilanòva; Palau-Albi.
E doblidem pas la partida de dissabte a 3 oras del vèspre a Brutus ont los Dragons Catalans reçaupràn lo Tolosa Olimpic que jogarà amb sos ancians Sang e Aur Remi Casty e Elòi Pelissièr.
Alan Roch
Los telespectators occitans poiràn seguir aquesta partida sus BeInSport coma Brisbane-Parramatta divendres; los Polets de Sydney contra Manly, dissabte; Canberra contra los Tigres de l’Oèst dimenge.
De règlas novèlas seràn aplicadas per accelerar encara lo jòc. Coma favorits, se pòt totjorn comptar sus Melbourne, las pantèras de Penrith, los Polets e los Lapinons. Òm compta plan de véser los Bròncos de Brisbane presentar un autre visatge que la sason passada ont se trigossèron en fin de classament.
Dins l’annada, l’NRL designarà la 17a esquipa qu’integrarà la competicion en 2023 e que deuriá èsser del costat de Brisbane.
E se parla d’una 18a formacion per 2025 amb un cambiament de formula possibla de la competicion e de possibilitats d’expansion cap a la Nòva Zelanda (una autra formacion en mai dels Warriors) o (perqué pas?) Papoa amb una candidatura ja anonciada pel primièr ministre papó.
Un cinquantenat de jogaires sus la pelena de Giral
Granda revista d’efectiu aqueste dissabte 6 de març a Perpinhan, a l’Estadi Giral. Per l’oposicion entre los Dragons e lo XIII del President (jogaires d’Elèit 1), Steve McNamara faguèt jogar lo primièr temps als Dragons e lo segond temps a l’esquipa de resèrva (29 jogaires utilizats!). Costat Elèit 1, l’entraïnaire Fraissinós faguèt virar 21 jogaires.
Las primièras minutas mostrèron que los Dragons èran escaufats aprèp solament una setmana d’entraïnament collectiu. Sam Tomkins faguèt doas traucadas bèlas. Se deguèt cambiar d’arbitre que, dos còps, En Casty se trapèt pel sòl aprèp de collisions amb jogaires! 28-6 pels Dragons a la pausa.
Dins lo segond temps, la coesion dels Dragonets prenguèt lo pas sus la bona volontat dels Blaus per clavar la partida sus un 50-18 en favor dels catalans (Véser o tornar véser la partida).
Una partida seguida de prèp pels espectators quinzistas de l’USAP, enfin… per lor efígia de carton!
Als entraïnaires de tirar las leiçons d’una partida fòra nòrmas e d’i trapar los mejans de bastir lo XIII de França qu’anirà disputar la Copa del Mond aquesta tardor en Anglatèrra.
Los responsables de la competicion asseguran per ara que los 3 campionats (òmes, femeninas e cadieral) se poiràn téner dins las melhoras condicions.
Uniformizar las règlas?
Los jogaires d’Elèit 1 deguèron jogar la partida amb las règlas que seràn aplicablas en Superliga ongan. La competicion mondiala se deuriá debanar segon las règlas australianas. L’entraïnaire del Tolosa Olimpic, Silvan Houlès, plaideja per una uniformizacion de las règlas del mai bèl campionat a la mai regionala de las competicions de la planeta tretzista. Ara per ara, avèm tres sistèmas: las règlas australianas, las règlas de la Superliga e las règlas internacionalas encara non modificadas! Aquò deuriá èsser un talhièr bèl per la federacion internacionala.
Tolosa en Anglatèrra?
Lo Tolosa Olimpic es a l’espèra de decisions anglesas a respècte dels quaranta ans e de la possibilitat de public dins los estadis. Las autras formacions del Championship desirarián que Tolosa joguèsse sas partidas a domicili… en Anglatèrra. De seguir!
Elèit 1: una jornada de ratrapatge
La Federacion prevei lo debanament de la finala del campionat pel 19 o lo 20 de junh. La Copa (en cèrca de nom) deuriá seguir per una finala cap al 10 de julh.
Aprèp Olivièr Elima escartat de la direccion de Palau, es Fabian Devecchi que paga los marrits resultats de Vilanòva e qu’es pregat per la direccion del club de daissar l’entraïnament dels Leupards.
Per ara, lo campionat repren amb una jornada de ratrapatge e de protocòls sanitaris refortits. Son al programa de la dimenjada: Carcassona-St Gaudenç; Limós-Vilanòva; Palau-Albi.
E doblidem pas la partida de dissabte a 3 oras del vèspre a Brutus ont los Dragons Catalans reçaupràn lo Tolosa Olimpic que jogarà amb sos ancians Sang e Aur Remi Casty e Elòi Pelissièr.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari