Actualitats
Valls se tornarà pas presentar a la comuna de Barcelona
Segon l’èx-primièr ministre francés, sa candidatura se deuriá tornar pensar car “de qualque biais” se pensèt solament pel mandat actual
Manuel Valls se tornarà pas presentar a las eleccions municipalas de Barcelona, çò a dich dins una entrevista a Betevé. Segon l’èx-primièr ministre francés, sa candidatura se deuriá tornar pensar car “de qualque biais” se pensèt solament pel mandat actual.
A mai, Valls a afortit que la comuna de Barcelona èra pas son “projècte personal” e qu’ajudariá “d’una manièra politica, pedagogica e intellectuala” a concretizar una proposicion per la capitala de Catalonha. Pasmens, a refusat de dire se donarà aquela ajuda en tot demorar dins son partit Barcelona pel Cambiament o après l’aver quitat. A pas tanpauc respondut quand se li demandava se d’aicí a dos ans seriá encara a Barcelona o tornarmai dins l’estat francés.
A mai, Valls a afortit que la comuna de Barcelona èra pas son “projècte personal” e qu’ajudariá “d’una manièra politica, pedagogica e intellectuala” a concretizar una proposicion per la capitala de Catalonha. Pasmens, a refusat de dire se donarà aquela ajuda en tot demorar dins son partit Barcelona pel Cambiament o après l’aver quitat. A pas tanpauc respondut quand se li demandava se d’aicí a dos ans seriá encara a Barcelona o tornarmai dins l’estat francés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Basta que non se vengue presentar dins mon vilatge!
Amava tota la gent e volià pas la miseria:
Un Sant home aquel Sant Loís.
Mas per què, per què, m'han pas dit a l'escola
qu' avia tuat mon país !
Aquel arpalhand, que tothòm manda pàisser, que degun lo vòl pas, pòrta l'òdi marcat sus sa cara crispada en permanéncia.
Olé, %anolo ! Vai-te'n taurejar endacòm mai.
Als Estats Units, coma ditz Consternacion : i faràs un polit parelh amb lo Trump !
Qual l'aguèsse pensat ? Valls a tanben declarat que se presentaria pas tanpauc a la presidenciala americana de 2024 ! Saique una deçaupcion de las grandas per la planèta tota qu'espèrava ansiosament de saupre la causida d'En Manolo. Crenham una èrsa de suicidis mondiala e una caiguda vertiginosa de las borsas. Coma una mauparada arriba jamai solèta, Valls refusa tanben de se presentar a la presidenciala russa. Espantant e de mau-comprene ! L'umanitat consternada n'es tras que maucorada e plora per son devenir.
Valls se tornarà pas presentar a la comuna de Barcelona : perqué non se va pas presentar a la comuna de Madrid, aqueste arpalhand de dreita rufa ? I tendriá sa plaç justa…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari