Actualitats
La rompedura de las drechas provòca una crisi politica en Espanha
Los socialistas aprofièchan l’escasença per pachar amb Ciutadans e fòrabandir lo Partit Popular de qualques govèrns regionals
La rompedura de las drechas a provocat una crisi politica en Espanha. Lo tèrratrem comencèt dimècres a l’assemblada regionala de Murcia en seguida d’un pache del Partit Socialista amb Ciutadans per fòrabandir lo Partit Popular. Aquel fach faguèt córrer lo bruch que se podiá passar la meteissa causa dins totas las autras regions o comunas ont lo Partit Popular govèrna amb lo sosten de Ciutadans, coma es lo cas de Madrid (tant la region coma la comuna), de Castelha-Leon e d’Andalosia.
Confusion a Madrid
Dins aquel sens, la presidenta regionala de Madrid, Isabel Díaz Ayuso, ultraconservatritz del Partit Popular que govèrna amb lo sosten de Ciutadans e de l’ultradrecha de Vox, a convocat d’eleccions anticipadas lo 4 de mai “pel ben de Madrid e d’Espanha”. Pasmens, Socialistas e Ciutadans avián al meteis moment enregistrada una mocion de censura contra ela. Eles asseguran que la mocion s’enregistrèt abans que lo jornal oficial de Madrid publiquèsse la convocacion de las eleccions. L’afar risca de se terminar davant los tribunals.
A la comuna de Madrid e al parlament regional de Castelha-Leon, Populars e Ciutadans an mostrat lor unitat. En Andalosia, los dos partits de drecha govèrnan amb l’extrèma drecha de Vox qu’ara demanda d’eleccions.
Marrit moment pel Partit Popular
Tot aquel desòrdre politic arriba quand Ciutadans s’es esfondrat en Catalonha e crenh sa desaparicion politica e quand lo Partit Popular es tanben a passar un marrit periòde; mentre que pèrd de sostens electorals, se ten ara lo jutjament pels afars de corrupcion del partit qu’aviam raportat en 2013, un procès raportat pels mèdias qu’es totjorn a metre en lum de nòus escàndols.
Portada estatala
Es probable qu’aquela situacion aja una portada estatala. Lo govèrn de l’estat es ara una coalicion dels socialistas amb los esquerristas de Podèm, e los dos partits manifèstan de mai en mai de desacòrdis politics entre eles. En mai d’aquò, la situacion dels presonièrs politics catalans e lo fach que lo dialòg promés arribe pas jamai provòca la lassièra dels independentistas catalans que sostenián aquel govèrn.
Ara, un pache estatal entre Socialistas e Ciutadans pareis fòrça probable. E tanben es possible que lo primièr ministre, Pedro Sánchez, avance las eleccions generalas se vei que poiriá melhorar sos resultats.
Confusion a Madrid
Dins aquel sens, la presidenta regionala de Madrid, Isabel Díaz Ayuso, ultraconservatritz del Partit Popular que govèrna amb lo sosten de Ciutadans e de l’ultradrecha de Vox, a convocat d’eleccions anticipadas lo 4 de mai “pel ben de Madrid e d’Espanha”. Pasmens, Socialistas e Ciutadans avián al meteis moment enregistrada una mocion de censura contra ela. Eles asseguran que la mocion s’enregistrèt abans que lo jornal oficial de Madrid publiquèsse la convocacion de las eleccions. L’afar risca de se terminar davant los tribunals.
A la comuna de Madrid e al parlament regional de Castelha-Leon, Populars e Ciutadans an mostrat lor unitat. En Andalosia, los dos partits de drecha govèrnan amb l’extrèma drecha de Vox qu’ara demanda d’eleccions.
Marrit moment pel Partit Popular
Tot aquel desòrdre politic arriba quand Ciutadans s’es esfondrat en Catalonha e crenh sa desaparicion politica e quand lo Partit Popular es tanben a passar un marrit periòde; mentre que pèrd de sostens electorals, se ten ara lo jutjament pels afars de corrupcion del partit qu’aviam raportat en 2013, un procès raportat pels mèdias qu’es totjorn a metre en lum de nòus escàndols.
Portada estatala
Es probable qu’aquela situacion aja una portada estatala. Lo govèrn de l’estat es ara una coalicion dels socialistas amb los esquerristas de Podèm, e los dos partits manifèstan de mai en mai de desacòrdis politics entre eles. En mai d’aquò, la situacion dels presonièrs politics catalans e lo fach que lo dialòg promés arribe pas jamai provòca la lassièra dels independentistas catalans que sostenián aquel govèrn.
Ara, un pache estatal entre Socialistas e Ciutadans pareis fòrça probable. E tanben es possible que lo primièr ministre, Pedro Sánchez, avance las eleccions generalas se vei que poiriá melhorar sos resultats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Qu' ai de far deman: Primier anar a la modista a provar me un vestit monissim per ma coleccion. Puei a la perruquera per portar lo pentinat impecable. E per acabar l'esgotadora jornada, a la butic de moda per cercar un modelet intim.
Aquela tanèca a semenat un brave rambalh dins lo camp del PP. tant mièlhs !
Mentretat, a Múrcia, ont govèrna lo tri-partit PP-Ciudadanos-Vox, lo P(S)OE trateja amb Ciudadanos, amb l'excusa de daissar de caire los faissistas de Vox, per prene la presidéncia de la region. Diga-me de qual te fas, te dirai qual siás !
Podemos se pòt far de lagui. Sánchez s'orienta cap a una aligança Ciudadanos P(S)OE.
Los anti-catalanistas cripto-franquistas se disputisson lo bistèc. Quin espectacle pietadós…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari