Actualitats
L’afar Valtònyc brandís la justícia bèlga
La Cort Constitucionala es a decidir s’una lei desmembrada de 1847 que punís los afronts al rei s’ajusta a la legislacion actuala e permetriá l’extradicion del rapaire
L’afar Valtònyc a obligat la justícia bèlga de s'interrogar sus una lei de 1847. Lo cantador malhorquin de rap, Josep Miquel Arenas, de nom d’artista Valtònyc, se tròba en exili en Belgica, e Espanha demanda son extradicion per un delicte d’enaurament del terrorisme pr’amor de las paraulas d’una cançon contra lo rei emerit, Joan Carles Ir. En Belgica, los afronts al rei son un delicte segon una lei de 1847 qu’èra tombada dins la desmembrança. Ara la Cort Constitucionala bèlga es a decidir s’aquela lei s’ajusta a la legislacion actuala e al drech internacional dels dreches umans, e o deu far per saber se deu liurar lo cantador malhorquin a Espanha.
Crida d’Amnestia Internacionala
Mentretant, Amnestia Internacionala (AI) a fach una crida als estats bèlga e espanhòl per que protegiscan la libertat d’expression de Valtònyc. Demanda que Belgica “complisca sas obligacions en matèria de dreches umans en facilitant pas lo liurament de Valtònyc a Espanha”, ont l’embarrarián en preson “sonque per aver exercit son drech a la libertat d’expression”.
A mai, AI demanda a Espanha de retirar lo mandat d’arrèst europèu e de suprimir del còde penal los delictes d’enaurament del terrorisme e d’afronts a la Corona.
Crida d’Amnestia Internacionala
Mentretant, Amnestia Internacionala (AI) a fach una crida als estats bèlga e espanhòl per que protegiscan la libertat d’expression de Valtònyc. Demanda que Belgica “complisca sas obligacions en matèria de dreches umans en facilitant pas lo liurament de Valtònyc a Espanha”, ont l’embarrarián en preson “sonque per aver exercit son drech a la libertat d’expression”.
A mai, AI demanda a Espanha de retirar lo mandat d’arrèst europèu e de suprimir del còde penal los delictes d’enaurament del terrorisme e d’afronts a la Corona.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Encara una ajuda d'Espanha a a libertat d'expression e a la democracia.
Cal esperar que los belgas tornen pas activar un lei del temps del rei matrassaire de negres, lo Leopold II.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari