La Comission Europèa (CE) entamenèt diluns un procès d’infraccion contra lo Reialme Unit per aver reportat unilateralament qualques parts de l’acòrdi pòst-Brexit restacadas a l’Irlanda del Nòrd.
 
Aquela mesura arriba après que lo govèrn britanic anoncièt que reportariá de març a octòbre la mesa en òbra dels contraròtles doanièrs dels produches qu’arriban de la Grand Bretanha vèrs l’Irlanda del Nòrd. L’acòrdi pòst-Brexit establís qu’aqueles contraròtles doanièrs se devon establir aqueste mes per fin d’evitar de contraròtles frontalièrs dins l’illa d’Irlanda.
 
Al moment de començar lo procès judiciari, la Comission Europèa mandèt tanben doas letras al govèrn britanic; una rapòrta la mesa en marcha d’aquel procès d’infraccion e l’autra es una “letra politica” que li demanda de rectificar.