Actualitats
L’estat francés vòl crompar 170 000 nòvas municions d’LBD
Entre 2018 e 2019, una seissantena de personas foguèron grèvament nafradas per aquelas municions e mai de dètz perdèron un uèlh
Lo Ministèri de l’Interior francés publiquèt un apèl d’ofèrtas per”la provision de municions cineticas de defensa unica (MDU) de calibre 40 millimètres al profièch de las fòrças de la seguretat interiora”, divendres 12 de març de 2021, çò rapòrta Reporterre. Aquel “apèl a la concurréncia” es dobèrt fins al 22 d’abril e concernís 160 000 municions de defensa unica, e 10 000 “municions de defensa marcanta visibla”.
Las balas de defensa (LBD), tanben apeladas flashballs, son un dels projectils emplegats per la polícia francesa. Aqueles projectils de 40 mm de cauchó son benlèu l’arma pus perilhosa dins l’arsenal de las fòrças de l’òrdre francesas e an ja provocat de nafraduras fòrça grèvas coma la pèrda d’un uèlh. La reglamentacion internacionala las classifica coma “d’armas de guèrra” e lo Conselh d’Euròpa a demandat a França que ne suspendèsse l’usatge. Son tanplan criticadas per l’ÒNU, e tanben l’Observatòri de las Practicas Policièras reclama la supression d’aquelas municions e d’autras “armas subletalas”.
Entre 2018 e 2019, durant lo movement social dels Gilets Jaunes, una seissantena de personas foguèron grèvament nafradas per aquelas municions, que pòdon aténher 360 km/h. Mai de dètz an perdut un uèlh.
Ara fa justament un an que 35 oftalmològs de renom mandèron una letra al president francés, Emmanuel Macron, per sollicitar la supression d’aquelas municions, preocupats per una “epidemia de plagas ocularas gravissimas”.
Las balas de defensa (LBD), tanben apeladas flashballs, son un dels projectils emplegats per la polícia francesa. Aqueles projectils de 40 mm de cauchó son benlèu l’arma pus perilhosa dins l’arsenal de las fòrças de l’òrdre francesas e an ja provocat de nafraduras fòrça grèvas coma la pèrda d’un uèlh. La reglamentacion internacionala las classifica coma “d’armas de guèrra” e lo Conselh d’Euròpa a demandat a França que ne suspendèsse l’usatge. Son tanplan criticadas per l’ÒNU, e tanben l’Observatòri de las Practicas Policièras reclama la supression d’aquelas municions e d’autras “armas subletalas”.
Entre 2018 e 2019, durant lo movement social dels Gilets Jaunes, una seissantena de personas foguèron grèvament nafradas per aquelas municions, que pòdon aténher 360 km/h. Mai de dètz an perdut un uèlh.
Ara fa justament un an que 35 oftalmològs de renom mandèron una letra al president francés, Emmanuel Macron, per sollicitar la supression d’aquelas municions, preocupats per una “epidemia de plagas ocularas gravissimas”.
L’État veut acheter 170.000 nouvelles munitions de LBD
— Reporterre (@Reporterre) March 17, 2021
https://t.co/VJ6T5p7LZ3
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Son una fotuda barbaritat, aqueste govern es la puta que treu uells. Una cola de bretols al servici del capitalisme salvatge. A la merda vuida uells !
#1 Susvelhar, castigar, terrorizar, aquò's la democracia liberala ! E mai son fotuts de nos dire qu'es aiçò o lo golag…
Arribaràn mai lèu que los vaccins.
Per las armas, l'Estat es mai eficaç que per la santat de las gents.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari