Actualitats
Crida de l’ÒNU a combatre l’islamofobia
A l’ocasion del Jorn Internacional per Combatre lo Racisme, lo secretari general crida a educar contra aquela “crusèla pandemia mondiala”
Lo secretari general de l’ÒNU, António Guterres, avertiguèt dimècres passat que l’òdi contra las personas de religion o tradicion musulmana aviá “crescut en de proporcions epidemicas”, e faguèt una crida “als joves de pertot, e tanben als educators e als dirigents”, per qu’ensenhèsson al Mond que “totas las personas naisson egalas”. O diguèt a l’ocasion del Jorn Internacional per Combatre l’Islamofobia.
Dins aquel sens, Guterres assegurèt que “los musulmans patisson l’estigmatizacion generalizada” e “d’inegalitats” a l’ora de manifestar lor fe o tradicion.
Crida a combatre lo racisme
Segon Guterres, “lo racisme es un mal fòrça enrasigat” que passa de generacion en generacion e “polluís las societats” mentre que “perenniza las inegalitats, l’opression e la marginalizacion”. Mai encara, es una “crusèla pandemia mondiala” que la patisson “las personas d’origina africana”, los “pòbles indigènas e d’autras minoritats etnicas” e que se tròba dins las “opinions dels supremacistas blancs e d’autres grops extremistas”.
Enfin, Guterres nos encoratgèt a totòm que denoncièssem e condemnèssem “sens cap de resèrva” tota mòstra de racisme que detectariam.
Dins aquel sens, Guterres assegurèt que “los musulmans patisson l’estigmatizacion generalizada” e “d’inegalitats” a l’ora de manifestar lor fe o tradicion.
Crida a combatre lo racisme
Segon Guterres, “lo racisme es un mal fòrça enrasigat” que passa de generacion en generacion e “polluís las societats” mentre que “perenniza las inegalitats, l’opression e la marginalizacion”. Mai encara, es una “crusèla pandemia mondiala” que la patisson “las personas d’origina africana”, los “pòbles indigènas e d’autras minoritats etnicas” e que se tròba dins las “opinions dels supremacistas blancs e d’autres grops extremistas”.
Enfin, Guterres nos encoratgèt a totòm que denoncièssem e condemnèssem “sens cap de resèrva” tota mòstra de racisme que detectariam.
Racism is abhorrent & ugly, and it plagues our world.
— António Guterres (@antonioguterres) March 17, 2021
We must reject and condemn it without reservation, without hesitation, without qualification, every time and everywhere.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Guterres es conegut per èsser plan lengut, coma Oliveira da Figueira dins Tintin. Darrièr sas declaracions s'amaga que per èsser elegit secretari de las Nacions Unidas cal comptar suls vòts dels nombroses païses musulmans (quand son pas islamics).
#12 Etimologia d'islamofobia : dau grèc "phobos" = paur, e dau mot araba "islam" = somession (a Dieu), qu'es lo nom d'una religion creada ("revelada" dison los cresents) per Mahomet. Doncas l'islamofobia es "la paur de l'islam". La paur es la percepcion d'una menaça (reala o pas).
Al nom de que ( e sustot, cossi !) rendre illegal lo fach de ressentir una menaça davant tala o tala causa ? Avètz paur de las vèspas o de las aranhas, que las percebètz coma una menaça ? Avètz paur de l'americanizacion dau mond e de son ultrà-liberalisme que percebètz coma una menaça ? Où ! Faguèm lèu-lèu una lei per rendre aquel percebre illegal e vos garir d'aut d'aquelas sensacions malsanas !
Los altermondialistas que denoncian de longa l'ultraliberalisme e l'americanizacion de la planèta farian en fach de racisma anti-american ? Cal pas quichar, emai la CIA se riscaria pas a un dire tan fantasierós !
Aquò qu'es illegal al nòstre, e amb rason, es lo racisma, e tota l'astucia dels islamistas es de vos far encapar a tusta-busta que : paur de l'islam = racisma. Mas l'islam es pas una "raça", es una religion, ni mai ni mens. Aquesta trapèla verbala que sa tòca es d'enebir tre la debuta tot debat (en clar, d'entrada de vos copar la chica ) es per exemple comparabla a-n-aquela de l'Estat d'Israël que dempuèi quauquas decènias assimila sistematicament tota critica de sa politica a de l'antisemitisme, çò qu'entre parentèsi fai de tot oposant israëlian un "traïdor" vendut als antisemites...
Per tornar a l'ostau, non, l’islamofobia es pas illegala en França e aürosament. Qu'aquela sensacion de paur, irracionala o pas, que pòt ressentir tala o tala persona davant tala o tala costuma o religion, dau moment que s'acompanha pas de mauvolença o de brutalitge a la persona, la criminalizar seria a còp segur una dangerosa farfantèla orwelliana.
Ai ausit dire que l’islamofobia est pas illegala en França.
#10 Quina polida galejada ! Tratatz los occitans de fanatics ? Tè, me sembla qu'an pas encara comes lo mendre atemptat sagnós ni tanpauc engimbrat qual que siague djihad ! Benlèu qu'avètz sus aquel sicut d'entresinhas qu'avem pas ? Cal saupre rason gardar : es qu'òm a encara lo drech, òc o non, d'aver una opinion diferenta d'aquesta del vesin sens se faire tratar sul pic d'òrre andòlfi missantàs e fanatic ? Ieu me regausissi pas de l'actuala pojada de l'islam e vos si. Rai. Son doas opinions diferentas. E l'avenidor tardarà pas a dire quina de las doas èra faussa. Bona jornada, colèga !
#9 Islamofobia? Defendam la nòstra lenga! Orador-de-Glana? Defendam la nòstra lenga! Rescalfament climatic? Defendam la nòstra lenga! Escandals ecologics? Defendam la nòstra lenga! Los comuns son engorgats? Defendam la nòstra lenga!
Sètz pas de defensaires de l'occitan, sètz de fanatics.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari