Actualitats
Barcelona: an blocat lo sèti de la Comission Europèa
Los manifestants an denonciat l’inaccion europèa fàcia a la situacion dels presonièrs politics, dels exiliats e dels mai de 3000 personas perseguidas per de motius politics
Una cinquantena de personas bloqueròn ièr dijòus lo sèti de la Comission Europèa e del Parlament Europèu a Barcelona per denonciar lo ròtle de las institucions europèas fàcia a la repression espanhòla en Catalonha, çò rapòrta Vilaweb. La protèsta se tenguèt mentre que se fasiá una reünion del Conselh d’Euròpa.
Los manifestants denóncian la situacion dels presonièrs politics, dels exiliats e de “las mai de 3000 personas perseguidas pel sistèma judiciari espanhòl per de rasons politicas”. A mai, planhon que lo Parlament Europèu aja aprovat de levar l’immunitat als deputats idependentistas catalans en exili. Dison qu’aital l’UE a abandonat “las valors de libertat, de patz e de defensa dels dreches fondamentals que representava”.
Los manifestants denóncian la situacion dels presonièrs politics, dels exiliats e de “las mai de 3000 personas perseguidas pel sistèma judiciari espanhòl per de rasons politicas”. A mai, planhon que lo Parlament Europèu aja aprovat de levar l’immunitat als deputats idependentistas catalans en exili. Dison qu’aital l’UE a abandonat “las valors de libertat, de patz e de defensa dels dreches fondamentals que representava”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari