Actualitats
Es possible qu’anuèch cambiem l’ora pel darrièr còp
Un comitat d’expèrt nomenat per l’Union Europèa es a estudiar se s’abolís los cambiaments oraris. Mentretant, anuèch nos faràn avançar d’una ora nòstres relòtges
Un còp de mai, nos faràn avançar d’una ora nòstres relòtges e mòstras per intrar dins l’orari d’estiu. Aital, dins la nuèch d’uèi dissabte a deman dimenge, a doas oras seràn dirèctament tres oras. Aquò permetrà d’aver mai d’oras de lutz pendent la jornada.
Las mòstras e los relòtges se mòvon a l’encòp gaireben dins tota Euròpa. Aquò comencèt a partir de la crisi del petròli de 1974, quand qualques païses decidiguèron de cambiar l’orari per aprofechar la lutz del solelh e consumar mens d’electricitat. Dempuèi 1981 aquel cambiament orari es una nòrma de l’Union Europèa.
Amb aquesta practica, l’ora oficiala es en estiu de doas oras de mai que l’ora solara, mentre qu’en ivèrn es d’una ora de mai.
Darrièr cambiament d’orari?
La Comission Europèa es a estudiar quines efièches auriá la suspension dels cambiaments d’ora. Lo comitat d’expèrts nomenat per aquel prètzfach prevesiá d’aver un resultat ongan, mas la pandemia e la manca de consens ne retardaràn la decision. Sus la taula an l’opcion de decidir se s’abolís los cambiaments d’ora e, en cas de responsa positiva, quin orari se fixarà, lo d’ivèrn o lo d’estiu.
Divèrsas ONG demandan de tornar a l’ora solara
En octòbre passat, qualques ONG d’Euròpa e d’America avièron la dicha “Aliança Internacionala pel Temps Natural” per tornar a “l’ora naturala”. Dins son comunicat, l’Aliança demandava als “govèrns dels dos continents de restablir al pus lèu possible, e de preferéncia abans març de 2021, los fuses oraris permanents basats sul solelh”.
Segon l’Aliança, es un afar de santat. “Avèm besonh de lutz naturala, de matin, per assegurar gaireben totas las foncions de nòstre còrs”, çò dison en tot assegurar qu’es “lo solelh” e non pas “lo relòtge de nòstres telefonets” que deu marcar nòstres cicles de sòm e de velha. “Quand ignoram aquela realitat, aquò afècta grèvament la qualitat de nòstre sòm, çò qu’a de repercussions negativas sus nòstra santat mentala e fisica, nòstras prestacions al trabalh, a l’escòla e sus l’estrada, e sus l’economia en general”, çò afirman.
Escart entre l’ora sociala e l’ora naturala
Per adobar aquel “escart entre lo relòtge social e l’ora naturala”, l’Aliança pel Temps Natural prepausa de tornar a l’orari del solelh, çò qu’en Occitània seriá de se fixar sul fus orari UTC (Valadas inclusas, malgrat lo fach que gaireben tota Itàlia se deuriá fixar al fus UTC+1). Actualament, los estats francés e espanhòl son a una ora de diferéncia del solelh, e a doas oras a l’orari d’estiu.
L’ora actuala ven dels nazis
Lo 7 de març de 1941, lo govèrn franquista d’Espanha ordenèt de cambiar l’ora oficiala per que s’acordèsse amb l’ora d’autres païses europèus, que l’Alemanha nazi i venián d’impausar l’orari alemand. A la fin de la Segonda Guèrra Mondiala, totes los estats que foguèron ocupats pels nazis mantenguèron l’orari centreuropèu, un orari que lo jonguèron Andòrra, Gibartar e Mónegue. Portugal e lo Reialme Unit servèron l’ora de diferéncia.
Las mòstras e los relòtges se mòvon a l’encòp gaireben dins tota Euròpa. Aquò comencèt a partir de la crisi del petròli de 1974, quand qualques païses decidiguèron de cambiar l’orari per aprofechar la lutz del solelh e consumar mens d’electricitat. Dempuèi 1981 aquel cambiament orari es una nòrma de l’Union Europèa.
Amb aquesta practica, l’ora oficiala es en estiu de doas oras de mai que l’ora solara, mentre qu’en ivèrn es d’una ora de mai.
Darrièr cambiament d’orari?
La Comission Europèa es a estudiar quines efièches auriá la suspension dels cambiaments d’ora. Lo comitat d’expèrts nomenat per aquel prètzfach prevesiá d’aver un resultat ongan, mas la pandemia e la manca de consens ne retardaràn la decision. Sus la taula an l’opcion de decidir se s’abolís los cambiaments d’ora e, en cas de responsa positiva, quin orari se fixarà, lo d’ivèrn o lo d’estiu.
Divèrsas ONG demandan de tornar a l’ora solara
En octòbre passat, qualques ONG d’Euròpa e d’America avièron la dicha “Aliança Internacionala pel Temps Natural” per tornar a “l’ora naturala”. Dins son comunicat, l’Aliança demandava als “govèrns dels dos continents de restablir al pus lèu possible, e de preferéncia abans març de 2021, los fuses oraris permanents basats sul solelh”.
Segon l’Aliança, es un afar de santat. “Avèm besonh de lutz naturala, de matin, per assegurar gaireben totas las foncions de nòstre còrs”, çò dison en tot assegurar qu’es “lo solelh” e non pas “lo relòtge de nòstres telefonets” que deu marcar nòstres cicles de sòm e de velha. “Quand ignoram aquela realitat, aquò afècta grèvament la qualitat de nòstre sòm, çò qu’a de repercussions negativas sus nòstra santat mentala e fisica, nòstras prestacions al trabalh, a l’escòla e sus l’estrada, e sus l’economia en general”, çò afirman.
Escart entre l’ora sociala e l’ora naturala
Per adobar aquel “escart entre lo relòtge social e l’ora naturala”, l’Aliança pel Temps Natural prepausa de tornar a l’orari del solelh, çò qu’en Occitània seriá de se fixar sul fus orari UTC (Valadas inclusas, malgrat lo fach que gaireben tota Itàlia se deuriá fixar al fus UTC+1). Actualament, los estats francés e espanhòl son a una ora de diferéncia del solelh, e a doas oras a l’orari d’estiu.
L’ora actuala ven dels nazis
Lo 7 de març de 1941, lo govèrn franquista d’Espanha ordenèt de cambiar l’ora oficiala per que s’acordèsse amb l’ora d’autres païses europèus, que l’Alemanha nazi i venián d’impausar l’orari alemand. A la fin de la Segonda Guèrra Mondiala, totes los estats que foguèron ocupats pels nazis mantenguèron l’orari centreuropèu, un orari que lo jonguèron Andòrra, Gibartar e Mónegue. Portugal e lo Reialme Unit servèron l’ora de diferéncia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cau finda parlar dei mètges, que son per l'ora dau soleu! E non cau demembrar que l'ora dau soleu à Niça non es aquela de Bordeus (en realitat, dins lo sistema actuau, en gròs podèm dire qu'en ivèrn Niça non a una ora d'avança ma solament mièja ora, mentre Bordeus a una ora e mièja; e l'ora d'estiu fa passar à 1 ora e mièja e 2 oras e mièja).
#1 Dab l'òra d'estiu que's hè un desfasatge enter las activitats e l'òra de l'arrelòtge. Mes com tot qu'ei retardat a la fin finala lo monde que feneishen per seguir l'òra deu sorelh (matin lhevar 7 òras/5 òras au sorelh; sopar 10 òras/8 òras au sorelh).
"Aital, dins la nuèch d’uèi dissabte a deman dimenge, a doas oras seràn dirèctament tres oras. Aquò permetrà d’aver mai d’oras de lutz pendent la jornada." Tornatz-vos legir : pensatz seriosament que la tèrra va alentir sa velocitat de rotacion subre ela-meteissa, soleta solucion geometrica per que dure mai longtemps una jornada ?
Me sembla qu'es pas lo primièr còp que pensam qu'es lo darrièr còp.
Sus l'ora solara e viure amb lo solelh al mens, la mitat de l'annada te recampas a l'ostal quand es nuèch e i a pas de disputas pègas sul cobrifuòc.
L'òra solara , es un plaser ! Te levas damb lo sorelh , mijorn es mijorn , lo rabat deu solelh es la fin de la jornada .... Vives DAMB la natura... , te sentis tant adaise... Se pòt pas explicar ....
Longtemps lo monde de la campanha contunhèren d'utilisar l'òra solara, l'òra vertadèra , per la via vitanta. L'ora oficiala, èra per las gents de la vila , per la via oficiala....
Quauques país urosament l'an gardada ...
Be son a plànher los que viven segon aquera òra faussa , de pachòc...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari