An arrestat lo cònsol pedani de Casau (Castièro) dins l’encastre d’una operacion antidròga dins la Val d’Aran, çò rapòrta Aran Notícies. L’operacion s’estend tanben a las vilas de Lhèida e Vila Real e i a un total de dotze detenguts. L’enquista es menada per la division d’investigacion criminala de la polícia de Catalonha.


Descobèrt gràcias a l’enquista sus l’ors Cachou
 
Aqueste ret de trafec de cocaïna l’an descobèrt gràcias a l’enquista sus l’afar de l’ors Cachou, que son cadavre foguèt trobat a Les (Quate Lòcs) lo 9 d’abril de l’an passat. Mentre que los agents cercavan de desvelar cossí s’èra organizada la mòrt del plantigrad, interceptèron de telefonadas amb de referéncias indirèctas a la crompa de la cocaïna e dobriguèron una enquista.
 
Los trafegaires avián a Lhèida un laboratòri que transformava la cocaïna importada, presumidament de Colómbia, e l’aprestavan pel consum. L’organizacion aviá d’antenas dins la region de Castelló de la Plana e dins la Val d’Aran ont la dròga se vendiá dirèctament en grandas quantitats als consumaires.

 
 

Detinut, en una operació antidroga, Juan Berdié (Unitat d'Aran), alcalde pedani de l'EMD de Casau, a la Vall d'Aran.
Segons apunten els Mossos d'Esquadra, les investigacions del cas encara segueixen obertes i no es descarten més detencions, fora de l'Aran.

— CatInfo Lleida (@Cati_Lleida) March 26, 2021

Las escuchas telefónicas por la muerte del oso Cachou descubren a una banda de traficantes de cocaína con laboratorio en Lleida.https://t.co/bZeMcQ1By8 por @maykanavarro

— La Vanguardia (@LaVanguardia) March 28, 2021