Actualitats
Viollet-le-Duc auriá facha la faciada de la catedrala de Florença
L’arquitècte francés auriá menat a bon tèrme aquela òbra pendent son exili dins la capitala de Toscana
La faciada de la catedrala de Santa Maria del Fiore, a Florença, poiriá èsser òbra de l’arquitècte francés Eugène Viollet-le-Duc, çò ven de publicar la revista Archeologia Storica. L’arquitècte francés, restaurador de la ciutat de Carcassona, auriá menat a bon tèrme aquel projècte jos lo pseudonim d’Emilio de Fabbris pendent son exili dins la capitala de Toscana, a causa de la guèrra francoprussiana.
La faciada originala de Santa Maria del Fiore foguèt demolida los ans 1587-1588 jos l’òrdre del grand duc Francés Ir de Medici, car èra pas de mòda amb los tempses de la Renaissença. Pasmens, lo concors per una nòva faciada finiguèt amb un grand escàndol per corrupcion. Aital, la faciada demorèt descobèrta fins al sègle XIX, quand l’arquitècte parisenc n’auriá entamenada l’òbra.
En acabar l’òbra, Viollet-le-Duc diguèt: “Un jorn tot lo mond reconeisserà França per son patrimòni arquitectural e per la grandor de sa bagueta”, çò rapòrta Archeologia Storica.
La faciada originala de Santa Maria del Fiore foguèt demolida los ans 1587-1588 jos l’òrdre del grand duc Francés Ir de Medici, car èra pas de mòda amb los tempses de la Renaissença. Pasmens, lo concors per una nòva faciada finiguèt amb un grand escàndol per corrupcion. Aital, la faciada demorèt descobèrta fins al sègle XIX, quand l’arquitècte parisenc n’auriá entamenada l’òbra.
En acabar l’òbra, Viollet-le-Duc diguèt: “Un jorn tot lo mond reconeisserà França per son patrimòni arquitectural e per la grandor de sa bagueta”, çò rapòrta Archeologia Storica.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercés per lo moment d'arríder.
N'i avè pas pro d'actualitat dens lo monde a tractar dau punt de vista occitan enl. Urosament que l'imaginacion manca pas a la redaccion !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari