Actualitats
Gibartar es a recobrar la normalitat
I pas pus de cobrifuòc, los bars e restaurants barran a 2h del matin e lo pòrt de masca sanitària es pas pus obligatòri per carrièras
Gibartar a començat de recobrar, pauc a cha pauc, la vida que i aviá abans la pandemia de la covid-19. I a pas pus de cobrifuòc, los bars e restaurants barran a 2h del matin e lo pòrt de masca sanitària es pas pus obligatòri per carrièras. Quitament dimars passat los afogats del fotbòl assistiguèron amb normalitat a la partida entre las seleccions de Gibartar e los Païses Basses.
La clau del retorn de la normalitat es lo vaccin. Aperaquí lo 90% dels gibartarencs son vaccinats e dempuèi doas setmanas s’es pas detectat cap de cas de covid-19.
Demòran qualques mesuras, coma lo pòrt de la masca a l’interior dels locals publics, las botigas e los transpòrts en comun.
De fach, per recobrar de tot en tot la normalitat, lo govèrn gibartarenc a pas solament vaccinat sos abitants mas tanben los personals de delà la frontièra que trabalhan al país. Per ara, son vaccinats los dos mila trabalhadors essencials que venon traversar cada jorn la frontièra e ara s’entamena la vaccinacion dels autres dètz mila personas emplegadas dins de sectors considerats non essencials.
La clau del retorn de la normalitat es lo vaccin. Aperaquí lo 90% dels gibartarencs son vaccinats e dempuèi doas setmanas s’es pas detectat cap de cas de covid-19.
Demòran qualques mesuras, coma lo pòrt de la masca a l’interior dels locals publics, las botigas e los transpòrts en comun.
De fach, per recobrar de tot en tot la normalitat, lo govèrn gibartarenc a pas solament vaccinat sos abitants mas tanben los personals de delà la frontièra que trabalhan al país. Per ara, son vaccinats los dos mila trabalhadors essencials que venon traversar cada jorn la frontièra e ara s’entamena la vaccinacion dels autres dètz mila personas emplegadas dins de sectors considerats non essencials.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
AstraZeneca, vaccin talament criticat a cò nòstre, e pasmens talament utilizat pels Britanics, es administrat aquí dins un pichon territòri, aquò pòt far illusion.
Encara qu'un pauc de rigor, me demandariá de verificar s'es ben plan Astrazeneca qu'utilizan.
Lo monde entièr ensaja de far pel milhor, dins de situacions sociopoliticas desparièras.
Pr'aquò, pensi a aqueles trabalhadors andaloses, obligats (probablament...) de se far vaccinar per pas pèrdre lor emplec a Gibartar.
Cossí se passa a Monegue, Andòrra o lo Vatican ?.. pichons paîses eles tanben.
E nosautres enfin, qual sap çò que nos espèra ?
#2 Hmmmm, non. Es un bon biais indirècte per la redaccion de dire a quin punt frança es un país dirigit per de fargamaças.
Pas res sul confinament en França e en Occitània mas al mens saurem tot sul desconfinament de Gibraltar. E per l'iscla de Pascas ?
En arabi, Dj(e)bel Tariq, çò's Mont Tariq.
Gibartar sèrra mai l'etimologia que Gibraltar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari