Actualitats
Un jòc vidèo per demostrar la dificultat de traversar lo canal de Suèz
La CNN a desvolopat un simulador que permet de verificar, de l’ostal estant, la nauta dificultat de menar una nau dins aquel canal estrech
Pendent una setmana, un naviri de la societat Evergreen a blocat una part considerabla del comèrci mondial encalat dins lo canal de Suèz, çò qu’a amodat de nombroses mèmes e badinadas, sens prene en compte la dificultat de menar dins aquel canal tant estrech una nau que fa 400 mètres de long e 59 de larg. Ara, la television estatsunidenca CNN a desvolopat un jòc vidèo interactiu que simula la navigacion dins lo canal de Suèz e reprodutz las dificultats que pòt trobar un menaire. “Navigar dins lo canal de Suèz es una proesa fòrça complicada e de nauta tension que requerís d’abiletats de pilotatge. Per o demostrar, trabalhèrem amb lo mèstre marinièr Andy Winbow e lo capitani Yash Gupta per produire aquel passatge simulat”, çò explica lo jòc.
Aquela simulacion simplificada nos permet de traversar una de las vias nauticas mai transitadas del Mond mentre que menam un naviri amb una man. Per o far, cal sonque emplegar las claus de direccion del clavièr. Amb las flèchas amont e aval contrarotlarem la poténcia e la direccion de la nau; e amb la d’esquèrra e drecha, los grases d’inclinason. Mas atencion: pendent lo viatge cal prene en compte de factors que condicionaràn la navigacion, coma la direccion e la fòrça del vent. Se tocatz la riba, auretz perdut e blocaretz lo comèrci mondial.
Los desvolopaires, Sarah-Grace Mankarious e Marco Chacón de la CNN, avertisson qu’es una simulacion simplificada e non pas scientifica, i a fòrça factors que son pas preses en compte e que geinarián mai encara la conducha, coma la prigondor de l’aiga, l’interaccion amb d’autres vaissèls, lo rai de viratge, la disponibilitat de vaissèls remorcaires e d’autras condicions meteorologicas coma la visibilitat. An accelerat tanben lo temps necessari per manobrar un vaissèl d’aquela grandor.
Per jogar podètz clicar aicí.
Aquela simulacion simplificada nos permet de traversar una de las vias nauticas mai transitadas del Mond mentre que menam un naviri amb una man. Per o far, cal sonque emplegar las claus de direccion del clavièr. Amb las flèchas amont e aval contrarotlarem la poténcia e la direccion de la nau; e amb la d’esquèrra e drecha, los grases d’inclinason. Mas atencion: pendent lo viatge cal prene en compte de factors que condicionaràn la navigacion, coma la direccion e la fòrça del vent. Se tocatz la riba, auretz perdut e blocaretz lo comèrci mondial.
Los desvolopaires, Sarah-Grace Mankarious e Marco Chacón de la CNN, avertisson qu’es una simulacion simplificada e non pas scientifica, i a fòrça factors que son pas preses en compte e que geinarián mai encara la conducha, coma la prigondor de l’aiga, l’interaccion amb d’autres vaissèls, lo rai de viratge, la disponibilitat de vaissèls remorcaires e d’autras condicions meteorologicas coma la visibilitat. An accelerat tanben lo temps necessari per manobrar un vaissèl d’aquela grandor.
Per jogar podètz clicar aicí.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari