Actualitats
Bordèu: una microforèst en domeni urban
Deu revertar los bòsques de l’Entre Duas Mars amb la preséncia de garrics, d’aseraus e d’arbres fruchièrs
Tèxte legit
Dins lo quartièr de la Gara Sant Joan, al caireforc de las carrièras Billaudel, Fieffé e Francin, la comuna de Bordèu es a installar una microforèst sus 240 m². Aquel espaci de vegetalizacion aurà mai d’una amira, especialament de refrescament e de convivéncia.
Los agents de la Metropòli venon d’engatjar lo talhièr de creacion d’una microforèst a la debuta del mes de març. Primièr, an rasclat lo quitran d’un ancian parcatge per tornar trobar la tèrra e ara son a plantar d’arbres, d’èrbas e de plantas de diferentas nautors per crear d’estrats vegetals, coma dins una forèst naturala. Segon Didier Jeanjean, adjunt en carga de la natura en vila e dels quartièrs apasimats e Olivier Cazaux, cònsol adjunt de Bordèu Sud, qu’an presentat lo prètzfach sus la pagina Facebook del quartièr concernit, l’idèa màger del projècte es la seguenta: plantar de varietats localas e adaptadas de plantum e metre ensems la mai granda diversitat vegetala possibla pr’amor de crear un ecosistèma vertadièr e durable, mai resistent a las malautiás. Se ditz que la microforèst deu revertar los bòsques de l’Entre Duas Mars amb la preséncia de garrics, d’aseraus e d’arbres fruchièrs.
Lo projècte vai quèrre son inspiracion dins las tecnicas de l’agroforestariá e lo metòde de reforestacion popularizat pel botanista japonés Akira Miyawaki. S’agís de recreear una forèst naturala dins un temps cort e un espaci limitat, de sòrta qu’aquesta se poirà ça que la manténer d’esperela. L’espèr es qu’aquela realizacion permeta de demesir la pollucion de l’aire e l’empacha sonòra, e de far baissar la temperatura a l’entorn. D’efièch, es estat provat que tanlèu plantats 100m², la temperatura cai d’1°C dins un rai de 100m a l’entorn. Los primièrs efièches son esperats d’aicí a dètz ans.
Lo cònsol màger Pierre Hurmic espèra d’èsser sollicitat pels estatjants pr’amor de poder renovelar lèu-lèu l’operacion dins d’autres quartiers bordaleses.
Tomàs Hirondelle
Mai d’informacions sus Sud Ouest:
Los agents de la Metropòli venon d’engatjar lo talhièr de creacion d’una microforèst a la debuta del mes de març. Primièr, an rasclat lo quitran d’un ancian parcatge per tornar trobar la tèrra e ara son a plantar d’arbres, d’èrbas e de plantas de diferentas nautors per crear d’estrats vegetals, coma dins una forèst naturala. Segon Didier Jeanjean, adjunt en carga de la natura en vila e dels quartièrs apasimats e Olivier Cazaux, cònsol adjunt de Bordèu Sud, qu’an presentat lo prètzfach sus la pagina Facebook del quartièr concernit, l’idèa màger del projècte es la seguenta: plantar de varietats localas e adaptadas de plantum e metre ensems la mai granda diversitat vegetala possibla pr’amor de crear un ecosistèma vertadièr e durable, mai resistent a las malautiás. Se ditz que la microforèst deu revertar los bòsques de l’Entre Duas Mars amb la preséncia de garrics, d’aseraus e d’arbres fruchièrs.
Lo projècte vai quèrre son inspiracion dins las tecnicas de l’agroforestariá e lo metòde de reforestacion popularizat pel botanista japonés Akira Miyawaki. S’agís de recreear una forèst naturala dins un temps cort e un espaci limitat, de sòrta qu’aquesta se poirà ça que la manténer d’esperela. L’espèr es qu’aquela realizacion permeta de demesir la pollucion de l’aire e l’empacha sonòra, e de far baissar la temperatura a l’entorn. D’efièch, es estat provat que tanlèu plantats 100m², la temperatura cai d’1°C dins un rai de 100m a l’entorn. Los primièrs efièches son esperats d’aicí a dètz ans.
Lo cònsol màger Pierre Hurmic espèra d’èsser sollicitat pels estatjants pr’amor de poder renovelar lèu-lèu l’operacion dins d’autres quartiers bordaleses.
Tomàs Hirondelle
Mai d’informacions sus Sud Ouest:
— Bordeaux : une microforêt sera implantée rue Fieffé sur 240m²
— Vidéo. Bordeaux : sous le bitume, une « micro-forêt »
— Vidéo. Bordeaux : sous le bitume, une « micro-forêt »
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
S'al vesin vòstre li pren l'envièja, en prevision del caumanhàs,
de se cavar una piscina, plan-planèt darrièr son ostal,
digatz-li qu'aquela espandida d'aiga azurada e tremolanta
que refrescarà sos companhs e sos nistons e son jardin,
mai qu'una piscina banala es una mar, la micromar !
Contentarètz Naze de Gwitt e l'Elegit Vèrd de Bordèu
que voldrian veire l'Amazona, lo Pacific, l'Imalaià
senhorejar en plena vila, ras de la gara e del metrò !
Contrariatz pas l'enlucernat, los dieuses parlan per sa boca,
daissatz-li sa paura joguinha de microsèuva o micromar !
#11 E una micromar en domèni urban de qu'es ? Un baçin ?
una mata, un peluc de margalh ven una prada urbana tanplan coma un sompet ven una mar grana urbana.
Pichon colhon vendrà grand , los chinchons atanben !
Sembla que la tissa climatosceptica se pòrta plan.
Es l'istòria de l'òme que, tombant de quizen estatge, passa davant lo catorzen e ditz : Fins aquí, tot va plan.
Passa davant lo tretzen e ditz : Fins aquí, tot va plan.
Passa davant lo dotzen e ditz : Fins aquí, tot va plan.
Passa davant l'onzen e ditz : Fins aquí, tot va plan.
Passa davant lo desen e ditz : Fins aquí, tot va plan.
Passa...
#12 Mossur, que vei qu'ètz incapable de debàter dab respèct. Bona nueit.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari