Actualitats
Sant Marin a començat de vaccinar amb l’Sputnik V
S’èran alassats d’esperar los vaccins promeses per l’Union Europèa qu’arribavan pas
La Republica de Sant Marin s’es alassada d’esperar los vaccins que devián arribar de l’Union Europèa e a entamenada sa campanha de vaccinacion amb lo rus Sputnik V. Los primièrs vaccins de Russia son arribats aquesta setmana e aquel petit estat enclavat dins Itàlia a començat de vaccinar sos abitants.
Itàlia aviá promés 25 000 dòsis del vaccin a Sant Marin, que li devián pervenir a la fin de febrièr, mas qu’arribèron pas. Vist que Sant Marin es entièrament environat per Itàlia, en Emília-Romanha, l’incidéncia de la covid-19 i es nauta. Al total s’i es enregistrat 4730 cases, e 84 personas son mòrtas. Lo país compta environ 33 500 estatjants.
Coma lo país fa pas partida de l’Union Europèa, las autoritats de Sant Marin devon pas demandar cap d’autorizacion per emplegar lo vaccin rus. Aital, lor a calgut mens de tres setmanas per aténher un acòrdi amb Moscòu. Sant Marin a pagat dètz èuros per cada dòsi del vaccin rus, çò que permetrà de vaccinar lèu lo 70% dels abitants.
L’Union Europèa a reagit en assegurant qu’accelerarà lo mandadís de las dòsis promesas del vaccin Pfizer, e s’es mostrada inquieta de l’influéncia russa. De son caire, lo secretari d’estat de la santat de Sant Marin a dich qu’èra urgent d’entamenar la vaccionacion car avián “un retard de dos meses en comparason amb los autres païses europèus”.
Itàlia aviá promés 25 000 dòsis del vaccin a Sant Marin, que li devián pervenir a la fin de febrièr, mas qu’arribèron pas. Vist que Sant Marin es entièrament environat per Itàlia, en Emília-Romanha, l’incidéncia de la covid-19 i es nauta. Al total s’i es enregistrat 4730 cases, e 84 personas son mòrtas. Lo país compta environ 33 500 estatjants.
Coma lo país fa pas partida de l’Union Europèa, las autoritats de Sant Marin devon pas demandar cap d’autorizacion per emplegar lo vaccin rus. Aital, lor a calgut mens de tres setmanas per aténher un acòrdi amb Moscòu. Sant Marin a pagat dètz èuros per cada dòsi del vaccin rus, çò que permetrà de vaccinar lèu lo 70% dels abitants.
L’Union Europèa a reagit en assegurant qu’accelerarà lo mandadís de las dòsis promesas del vaccin Pfizer, e s’es mostrada inquieta de l’influéncia russa. De son caire, lo secretari d’estat de la santat de Sant Marin a dich qu’èra urgent d’entamenar la vaccionacion car avián “un retard de dos meses en comparason amb los autres païses europèus”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quina atitud estupida de l'UE! Sèm pas a parlar de guèrra aici, parlam de santat publica. Totes los vaccins deurian èstre lèu verificats e autorizats, e França porria ba faire sens esperar las autorizacions de l'UE, qu'es pas fotuda d'organizar la produccion nimai l'intrada dels vaccins sul territòri. A-n-aqueste ritme nos caldrà doas annadas per aténher l'imunitat collectiva, ara basta!
Caleré aver vist lo reportatge de França 2 aquò dessùs. Una vergonha. Lo messatge : es una manipulacion de Potin, arren qu'aquò. Los Occidentaus son braves e vòlon suenhar lo monde (Lo quite OMS ditz lo contrari) e China e Russia son maishants e hèn de propaganda a vénder las dòsis a miei-prètz (!)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari