Lo mes d’abril serà de confinament dins l’estat francés, çò que pertòca gaireben tota Occitània. Dempuèi dimars passat, e coma raportàvem dijòus dins las paginas de Jornalet, son barradas totas las escòlas, collègis e licèus, s’unifica totas las zònas de vacanças sus doas setmanas, se confina per perimètres d’un desenat de quilomètres e se manten lo cobrifuòc a 19h. Pasmens, pendent la dimenjada de Pascas, se tolerèt los desplaçaments vèrs las residéncias segondàrias per s’i confinar o per daissar los enfants amb los grands.
 
Aquel confinament de dètz quilomètres contraditz la permissivitat de la mobilitat internacionala, e aital de milièrs de ciutadans franceses se son gandits dins de destinacions toristicas, especialament a Madrid ont los bars son dobèrts sens restriccions. Saique auràn pogut viatjar los qu’an un aeropòrt a dètz quilomètres de lor residéncia.
 
Lo govèrn francés a remembrat que se permetiá lo retorn dels residents a l'estrange, e los viatges dels trabalhadors transfrontalièrs. De son latz, lo ministre dels transpòrts, Jean-Baptiste Djebbari, a avertit que se poiriá establir l'obligacion de complir una quarantena al retorn.
 
Segon un estudi publicat per Le Figaro, sèt ciutadans franceses sus dètz apròvan las nòvas restriccions, mas lo 63% de las personas entre 18 e 34 ans se resistisson a las complir. Aquò explicariá las nombrosas fèstas illegalas que los mèdias rapòrtan. D’autre latz, tanben Le Figaro rapòrta de testimoniatges dels nombroses ciutadans que son anats trabalhar a distància a partir de destinacions ont las restriccions sanitàrias son mai clementas.
 
 

Caviar, champagne, menus de grands chefs et retrait du masque obligatoire...Nos journalistes ont pu pénétrer dans ces fêtes clandestines de haut standing qui se tiennent actuellement à Paris.
@frvignolle Armelle Mehani et @CyrielleStadler en exclusivité pour le #19h45pic.twitter.com/ClXpIWrVwZ

— M6info (@m6info) April 2, 2021