Lo govèrn egipcian a anonciat aquesta setmana la descobèrta d’una granda vila d’aperaquí tres mila ans en un fòrça bon estat de conservacion enterrada jol sable. Nomenada “la Ciutat Daurada Perduda” o “l’Ascension d’Aton”, la vila foguèt abitada pendent los reinatges dels faraons de la dinastia XVIIIa, coma Amenofis III o Tutankhamon.
 
Segon lo Ministèri del Torisme e de las Antiquitats egipcian, s’agís de la “la vila pus granda trobada en Egipte”. Es una installacion administrativa e industriala fòrça granda de l’epòca de l’empèri egipcian a la riba occidentala de Luxor. Betsy Brian, professora d’egiptologia de l'universitat estatsunidenca John Hopkins, a dich qu'èra la “segonda descobèrta arqueologica mai importanta dempuèi la descobèrta del tombèl de Tutankhamon”. La trobalha, totjorn segon Brian, “non solament permet de ne saber mai sus la vida dels ancians egipcians a una epòca que l’empèri se trobava a son apogèu, mas pòt tanben ajudar a explicar un dels mistèris pus grands de l'istòria: perqué Akhenaton e Nefertiti decidiguèron de se mudar a Amarna”.
 
L’arqueològ Zahi Hawas, que digirís la mission, a explicat que los jaces arqueologics se son mantenguts intactes pendent de milièrs d’ans, “coma se lors ancians abitants los aguèsson daissats ièr meteis”, e aquò explica perque los lotjaments son plens d’objèctes de la vida vidanta.
 

الدكتور زاهي حواس يعلن عن اكتشاف المدينة المفقودة في الأقصر
اكتشفت البعثة المصرية برئاسة الدكتور زاهي حواس، المدينة المفقودة تحت الرمال والتي كانت تسمى "صعود آتون" والتي يعود تاريخها إلى عهد الملك أمنحتب الثالث، واستمر استخدام المدينة من قبل الملك توت عنخ آمون، اي منذ 3000 عام. pic.twitter.com/Tf9M3m1Fj2

— Ministry of Tourism and Antiquities (@TourismandAntiq) April 8, 2021