Actualitats
Las Valadas, Saluças e Vísol candidats al títol de Capitala italiana de la cultura per 2024
“La nòstra vision de la cultura es larja, non mas que art e eveniments culturals dins un sens estricte, mas cultura di territòris: tradicion, environament, diversitat biològica, istòria, païsatge, lenga e decò religion”
Tèxte legit
Las Valadas Occitanas de Piemont e l’ancian marquesat de Saluças, al pè de Vísol, presentan una candidatura per èsser capitala culturala d’Itàlia en 2024. La candidatura Saluças-Vísol 2024 portariá la reüssida culturala del territòri.
“La nòstra vision de la cultura es larja, non mas que art e eveniments culturals dins un sens estricte, mas cultura di territòris: tradicion, environament, diversitat biològica, istòria, païsatge, lenga e decò religion”, çò defend lo cònsol màger de Saluças, Mauro Calderoni.
Demest las nombrosas personalitats que sostenon la candidatura se tròban de famoses occitanistas coma lo musician Sergio Berardo e lo cineasta Fredo Valla. De soslinhar que de collectivitats de l’autre costat de la frontièra politica sostenon la candidatura, coma las comunautats de comunas de Val d’Ubaia, de Guilhestrés e Cairàs e de Sèrra Ponçon.
Lo títol de “Capitala italiana de la cultura” es autrejat pel conselh dels ministres italian en seguida de la proposicion del ministre del patrimòni cultural, d’activitats e de torisme, a la durada d’un an e prevei l’assignacion d’un milion d’èuros.
Corriere di Saluzzo, 8 d'abril 2021 (pagina 8)
“La nòstra vision de la cultura es larja, non mas que art e eveniments culturals dins un sens estricte, mas cultura di territòris: tradicion, environament, diversitat biològica, istòria, païsatge, lenga e decò religion”, çò defend lo cònsol màger de Saluças, Mauro Calderoni.
Demest las nombrosas personalitats que sostenon la candidatura se tròban de famoses occitanistas coma lo musician Sergio Berardo e lo cineasta Fredo Valla. De soslinhar que de collectivitats de l’autre costat de la frontièra politica sostenon la candidatura, coma las comunautats de comunas de Val d’Ubaia, de Guilhestrés e Cairàs e de Sèrra Ponçon.
Lo títol de “Capitala italiana de la cultura” es autrejat pel conselh dels ministres italian en seguida de la proposicion del ministre del patrimòni cultural, d’activitats e de torisme, a la durada d’un an e prevei l’assignacion d’un milion d’èuros.
Corriere di Saluzzo, 8 d'abril 2021 (pagina 8)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En mai de la beutat de sa ciutat vielha, Saluces a d'atots per venir capitala culturala: es un centre internacionau de musica classica e a Piasco pròche Saluces l'usina Salvi de arpas es coneissuda dins lo monde. Leis orquestras de aut nivèu crompon de arpas de concert Salvi.
Es mai que mai emportant que ilh sìe un engajament de lo monde d'Occitania Granda sobre aquesta candidatura.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari