Actualitats
Perpinhan: manifestacion contra los cambiaments qu’escafan la catalanitat dels simbòls de la vila
Louis Aliot a impausat un cambiament a l’escut de la vila en tot remplaçar la devisa “Perpinhan la catalana” per “Perpinhan la dardalhanta”
Tèxte legit
Lo cortègi èra partit de la Plaça de Catalonha darrièr una bandeiròla amb lo lèma “Sem Perpinyà”. A la fin, davant l’ostal de la vila, lo pòrtavotz del collectiu Òc al país catalan, Jordi Vera, assegurèt que Perpinhan quitariá pas “d’èsser catalana malgrat lo govèrn, la republica o la monarquia que i auriá”.
Diluir l’identitat catalana dins la francesa
La volontat de diluir l’identitat catalana dins la francesa es una de las intencions d’Aliot, que venguèt cònsol màger fa nòu meses. Aliot a tanben eliminat la tradicion d’arborar sus la bastissa del Castellet unicament lo drapèl catalan, qu’es ara acompanhat de la bandièra francesa. D’efièch, segon lo sociològ Gautier Sabrià, “Aliot a per obsession que tot çò que se passa al Principat aja pas de consequéncias en Catalonha Nòrd”, çò disiá a nòstres confraires de Vilaweb dins una entrevista. A mai, segon Sabrià, “l’identitat catalana e totas las autras identitats qu’existisson dins tot l’estat representan un perilh per l’union nacionala”, e l’eslogan de campanha d’Aliot fa dos ans èra: “Catalans, d’acòrdi, mas franceses d’en primièr”.
300 persones responen, malgrat el confinament, a la convocatòria de Sí Al País Català en defensa del logo de 'Perpinyà, la Catalana' [Disponible un fum de fotos al canal de telegram] https://t.co/cqy1ChGOrHpic.twitter.com/7D8kJwQh5X
— Catalunya Nord (@Cat_Nord) April 10, 2021
A #Perpinyà prop de mig miler de persones ens hem manifestat contra la supressió de la referència a la catalanitat de la vila en el nou logo de la capital de la #Catalunyanordpic.twitter.com/BfTmwjxF5u
— Josep Puigbert (@puigbertjosep) April 10, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La manifestacion de Perpinyan que passava per una avinguda ont i avia palmeras, me pareissia qu'estavan passavan per lo passeig de Sagrera de Palma. Es curiós la semblaça que a vegadas i an. E parlant de fachistas cal se manifestar las vegadas que calgui e procurar protestar e posar en evidencia aquesta cola d'invasors ignorants nazis coma Quildo que non tenia ni lo tercer de Secundaria.
Mentretant, regaudissèm: Occitània existís sus una mapa administrativa!
Es coma aquò que Provença es devenguda Sud.
Tot viatjaire catalan vengut del Principat o de València a mai d'un cop constatat la trista realitat : dins Perpinyà se tot es benlèu escrich en catalan, es estranhament impossible de comunicar dins aquesta lenga amb qui que sia. Al nivel linguistic Catalunya Nord es en fach descatalanizada. De gaitar tanben sus YouTube lo reportatge "son bojos aquells catalans" per mesurar l'espandida del desastre.
lo catalanisme a Perpinyà, quantas divisions?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari