CAPÇALERA PAIS INVISIBLE

Actualitats

InternacionalPolitica

Macron anóncia la supression de l'ÈNA

Lo president francés s’èra engatjat en 2019 a suprimir aquela escòla elitista, après l’espelida de las revòltas dels Gilets Jaunes

Lo sit de l'ENA a Estrasborg (Alsàcia)
Lo sit de l'ENA a Estrasborg (Alsàcia) | Remi Leblond

Tèxte legit

Lo president francés, Emmanuel Macron, anoncièt dijòus passat la supression de l’escòla estatala de l’administracion francesa (ÈNA), que serà remplaçada per un nòu Institut del Servici Public. Macron s’èra engatjat en 2019 a suprimir aquela escòla elitista, après l’espelida de las revòltas dels Gilets Jaunes. Lo nòu institut que lo prepausa Macron seleccionarà “de perfils mens determinats socialament” e mai siá previst que faga de formacion continua del naut foncionarat.
 
L’ÈNA la fondèt Charles de Gaulle en 1945 amb la tòca de modernizar l’administracion. Amb lo temps venguèt un simbòl elitista. I son passats un total de 6500 escolans, nomenats “los enarcas”, dont 80 per an. Demest los enarcas se compta quatre presidents de la Republica, dont Macron, e nòu primièrs ministres.
 
La decision de remplaçar l’ÈNA per un nòu Institut del Servici Public a recebut de saludacions mas tanben de criticas.
 
 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
3.

Amb los 100 000 mòrts de la pandemia que se sarran, tot es bon per far diversion. Dempuèi una setmana, empovola los mèdias amb las chifras espectaclosas suls vaccins, totjorn al futur. Un festival dels divèrses futurs. E ara nos ven amb aquesta sèrp de mar. L'ENA la deviá pas suprimir. Puèi, davant las criticas a l’enarquia diguèt que òc. Après, finalament que non. E ara nos propausa un torn de passa-passa : cambiar lo nom ! A bèl dire que suprimís aquel daquòs e que crèa quicòm mai, es la meteissa escòla amb la meteissa idèa e los meteisses vicis. Aqueste tipe es nociu par la Republica, per dire pas mai…

  • 7
  • 0
Pierre LACHAUD
2.

Tot se fai sens damandar l'avis dau pòple.
Autre còp lo monde reclamavan un parlement per limitar e controlar lo poder daus senhors o dau rei.
Uei, los presidents de la 5ème Republica an tot fach per balhar los plens poders au President de la Republica. Ente es lo desbat democratic en França. Fòrça monde que son anats a l'escòlas subretot dins l'economia e pas solament a l'ENA an admit que la societat se drigeava ver una rucha d'abelha : Tot lo monde obeissan a la Reina e chacun a un ròle plan establit per la reina. Chacun es specialisat e a pas la possibilitat d'accedar au tot detengut per la Reina.
Suprimar l'ENA, apres tot, quò tòca mas los enarques.
Perqué an creat tant d'escòlas superioras si quò es pas per balhar lo poder a daus specialisats e privar lo pòple de comprener lo fonccionament de l'estat, de la justiça, de l'economia, de la finança. L'òm apren de mai en mai dins lo mens en mens, disia un brave òme.

  • 5
  • 0
Se cambiatz lo flascon....
1.

I-a pas que lo nom de la marca que cambiarà. Coma lo vaccin Astra Zeneca que cambia de nom perque ara marca-mal mas que cambia pas sa formula. Ne serà idem de l'ENA : contunharà jos un autre nom, cal pas somiar, l'Estat parisiano-jacobin n'a trop mestièr per plan manténer son bestial !

  • 10
  • 0

Escriu un comentari sus aqueste article