Actualitats
Se suprimís cinc linhas d’avion dins l’estat francés per luchar pel clima
S’agís dels vòls qu’an una alternativa ferroviària de mens de doas oras e mièja. Aquò pertòca las linhas Bordèu-París e Marselha-Lion
Tèxte legit
L’Assemblada Nacionala francesa a suprimit los vòls d’avions dins l’estat qu'an una alternativa de doas oras e mièja en tren. La mesura fa partida d’una lei que cèrca de reduire las emissions de gases d’efièch de sèrra.
Una comission climatica presidenciala recomandèt una tòca mai ambiciosa: los suprimir se i aviá una alternativa de quatre oras de tren. Totun, las pressions politicas de qualques departaments qu’avián paur de demorar isolats an rebaissat la durada del trajècte.
Lo grop de la França Insomesa a criticat aquela reduccion perque, çò dison, se suprimirà pas los trajèctes que genèran mai d'emissions de CO2. Tanben Greenpeace estima que los vòls qu'existiràn pas pus representan sonque lo 6,6% de las emissions de CO2 que las genèran los vòls dins la França dicha metropolitana.
Sus la centena de ligasons existentas dins l’estat francés, aquela durada farà suprimir cinc linhas dont la Bordèu-París (2h04 en tren) e Marselha-Lion (1h39 en tren). Seràn mantengudas las linhas entre París e Niça, Tolosa e Marselha.
Una comission climatica presidenciala recomandèt una tòca mai ambiciosa: los suprimir se i aviá una alternativa de quatre oras de tren. Totun, las pressions politicas de qualques departaments qu’avián paur de demorar isolats an rebaissat la durada del trajècte.
Lo grop de la França Insomesa a criticat aquela reduccion perque, çò dison, se suprimirà pas los trajèctes que genèran mai d'emissions de CO2. Tanben Greenpeace estima que los vòls qu'existiràn pas pus representan sonque lo 6,6% de las emissions de CO2 que las genèran los vòls dins la França dicha metropolitana.
Sus la centena de ligasons existentas dins l’estat francés, aquela durada farà suprimir cinc linhas dont la Bordèu-París (2h04 en tren) e Marselha-Lion (1h39 en tren). Seràn mantengudas las linhas entre París e Niça, Tolosa e Marselha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E d'aquel temps, China se compra tota la planèta....
#13
Sens tròp delargar las causas, es vertat que los occitanistas an totjorn agut un uèlhs amistós pels dromèdres de tres cambas, vèire doas cambas, de còps que porian far kangoro, segur son pas meharis e se prenon tres torn de tarzansa a cada rondatge fach ; Moralitat se cambia pas una còla que ganha !
#11 Avètz tras que rason puslèu que d'ecologia punitiva seria mai just de parlar d'ecologisme sadò-masò. Practica dins lo drech fial del culpabilisme lutherian anglo-saxon que senhorèja en Euròpa del Nòrd e en America Anglofòna. A còps de piercing, bondage e autres deliris de "jòia dins la dolor". S'aqueles tòrts fantasieroses se son causit coma egeria una femna-enfant a l'agach ernhós, tancat e agressiu per los crosada ecologica es perque per eles representa lo nec plus ultra de la felicitat : se far plaser dins la sofrència. Sem pas brica obligats de seguir aquesta mòda.
Fa cinquanta ans la redempcion d'Occitània passava per Che Guevarra, Mao Tse Tong e patin-cofin. Uèi o sabem totes qu'aquela redempcion occitana vendrà de tot segur de l'ecologisme e de la Greta Thunberg. Quicòm me ditz qu'idem que lo maoïsme-marginalisme-gauchisme d'a passat temps, aquel ecologisme TANBEN serà vist dins cinquanta ans coma una autra lubia qu'aurà pas empachat Occitània de crebar DEFINITIVAMENT.
#11
Occitans : Raunhòlas professionalas ambe lo mocador amanés !
Paris Tolosa :
1814 : 104 h ambe la diligencia
1934 : 70 h ambe la "malle poste"
1893 : 14h10 ambe la maquina a vapor
1960 : 06h00 ambe lo capitòla
2021 : 1h20 ambe "air France"
2030 : 43h00 ambe la bicicleta (cal quichar sus las pedalas )
2030 : 136 h ambe los pès
2040 5minutes amb'un còp de pè al cuòl
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari