Actualitats
Montpelhièr: dotze femnas a l’onor de nòvas carrièras, avengudas e pargues
Lo conselh municipal a anonciat que de nòus espacis publics onorarián per lors noms dotze grandas figuras femeninas
Tèxte legit
Lo conselh municipal de Montpelhièr a anonciat que de nòvas vias e de nòus espacis publics de Montpelhièr onorarián per lors noms dotze grandas figuras femeninas, çò rapòrta Gazzete live #Montpellier.
Aital, la capitala del Bas Lengadòc aurà las carrièras de Clara Zetkin, figura istorica del feminisme socialista en Alemanha; Elena Bonner, activista pels dreches umans dins l’Union Sovietica; Hubertine Auclert, que luchèt en França pel sufragi femenin; Assia Djebar, escrivana e cineasta argeriana; Ruth Bader Ginsburg, jutgessa estatsunidenca que faguèt partida de la Cort Suprèma; Dora Schaul, activista josieva alemanda que trabalhèt per la Resisténcia francesa. Tanben las resistentas Élise Baudou e Jeanne Bohec auràn de carrièras a lors noms.
A mai, i aurà las andanas de Berenice Abbott, fotografa e scientifica estatsunidenca, e de Miriam Makeba, cantadora e militanta sudafricana coneguda coma Mamà Africa. Tot près i aurà la placeta dedicada a la resistenta parisenca Denise Vernay.
Dos pargues portaràn lo nom de doas grandas femnas. Ansin, aurem lo pargue de Jane Evrard, primièra femna cap d’orquèstra de l’estat francés, e tanben lo pargue d’Um Kulthum, famosa cantadora, compositritz e actritz egipciana.
Aital, la capitala del Bas Lengadòc aurà las carrièras de Clara Zetkin, figura istorica del feminisme socialista en Alemanha; Elena Bonner, activista pels dreches umans dins l’Union Sovietica; Hubertine Auclert, que luchèt en França pel sufragi femenin; Assia Djebar, escrivana e cineasta argeriana; Ruth Bader Ginsburg, jutgessa estatsunidenca que faguèt partida de la Cort Suprèma; Dora Schaul, activista josieva alemanda que trabalhèt per la Resisténcia francesa. Tanben las resistentas Élise Baudou e Jeanne Bohec auràn de carrièras a lors noms.
A mai, i aurà las andanas de Berenice Abbott, fotografa e scientifica estatsunidenca, e de Miriam Makeba, cantadora e militanta sudafricana coneguda coma Mamà Africa. Tot près i aurà la placeta dedicada a la resistenta parisenca Denise Vernay.
Dos pargues portaràn lo nom de doas grandas femnas. Ansin, aurem lo pargue de Jane Evrard, primièra femna cap d’orquèstra de l’estat francés, e tanben lo pargue d’Um Kulthum, famosa cantadora, compositritz e actritz egipciana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Personalament (aprep es mon vejaire) me sembla mai important de parlar en occitan de la causa de las femnas e d'ajudar de faire avançar l'egalitat de dreit... Pusleu que de plorar en mena "dreit del sòl" (veire pieger "dreit de la sang").
Es a de detalhs coma aquo, en aparència futils, que se mesura l'espandida de la situacion coloniala ont sem. Pas diguns per se'n trachar o se'n escalustrar dins la dicha "capitala dau Lengadoc Bas". E lo pièger es que i a un discors fabricat sus mesura e qu'om vos escampa pavlovianament a la cara se vos ne'n planhissètz : sètz un comunautarista, obscurantista, misogin, racista e localista. En clar sètz lo diable, missantàs e pudent. Tot lo contrari de la parisencalha esclairada que sap causir per nosautres las dralhas bonas ont caminar.
#3 ....e las femnas uganaudas presonièiras a la Torre de Constança ( AigasMòrtas )....
#3 ....E sens oblidar las trobairitz.....
E de femnas occitanas ?
E Maria Gosa / Olympe de Gouges ! Occitana, feminista que moriguèt per sas ideias
E las femnas anonimas que tuèron Montfòrt...
E Clamença Isaura, emai siague benlèu pas qu'a mitat un mite.....( Jeanne d'Arc a ben sas plaças ont qu'òm ane !)
E solide maitas, qu'ailàs , de Lengadòc-Bas o d'endacòm mai, son tombadas dins las fonsalhas de l'oblit e que coneissèm pas... mas que, se la comuna, en se faguent ajudar d'una còla d' istorians, auriá poscut tornar rapelar sos meritis.
E...aquò seriá çò mèmes dins totas las vilas occitanas.... Emai se las personas nomenadas s'ameritan lo respecte, se vei ben que las equipas municipalas se pòdon pas empachar de passar pel sedaç de la cultura dominanta per far sas causidas....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari