Actualitats
Val Pèlis: mobilizacion per salvar lo camin de fèrre Pineròl - la Torre de Pèlis
An lançat una peticion en linha per demandar que la region Piemont emplegue los fonzes europèus per recuperar lo tren
Tèxte legit
Amb los fonzes del plan de recuperacion de l’UE, l'union de las municipalitats de montanha de Val Pèlis a prepausat de remplaçar lo camin de fèrre Pineròl - La Torre de Pèlis per una pista ciclabla.
A l'ora d'ara, la linha ferroviària entre Pineròl e La Torre de Pèlis es “suspenduda” e en espèra de reactivacion dempuèi 2012. Las associacions ecologistas, la populacion locala e las associacions per la proteccion del camin de fèrre (compresa TrenoVivo) demandan que se reactive. Dempuèi que s'aboliguèt lo camin de fèrre, lo servici de transpòrt public es remplaçat per un servici d’autobuses, un servici pus lent, pus polluent e fòrça mens confortable, mai que mai pels andicapats o pels que viatjan amb d’enfants.
La region Piemont argumenta que lo còst de reactivar la linha seriá fòrça naut, e preferís de la remplaçar per una pista ciclabla, que son còst seriá a l’entorn dels 25 milions d'èuros.
La còla de TrenoVivo es fermament convencuda que l’usatge de bicicletas es complementari a l’usatge del tren e que li fa pas, doncas, concurréncia. Cal prene en compte que la Val Pèlis es una zòna de montanha e, per tant, l’usatge de las bicicletas es solament possible en estiu. Segon las associacions ecologistas de la Val Pèlis, la "transicion ecologica" se pòt nonmàs far en completant lo servici ferroviari amb l'usatge de bicicletas.
Dins la Val Pèlis, i a ja fòrça estradas segondàrias e, doncas, es pas necite de bastir una nòva pista ciclabla. TrenoVivo, amb d’autras organizacions localas, espèra que lo sindicat de montanha cambiarà d'opinion e utilizarà los fonzes europèus de recuperacion per de projèctes que sián mai utils per la comunautat.
TrenoVivo e plusors associacions de la Val Pèlis, dont qualques organizacions occitanistas, mantenon lor supòrt a l'idèa de relançar lo camin de fèrre Pineròl - la Torre de Pèlis. Per aquela rason an lançat una peticion sus change.org.
Mattia Pepino/redaccion
A l'ora d'ara, la linha ferroviària entre Pineròl e La Torre de Pèlis es “suspenduda” e en espèra de reactivacion dempuèi 2012. Las associacions ecologistas, la populacion locala e las associacions per la proteccion del camin de fèrre (compresa TrenoVivo) demandan que se reactive. Dempuèi que s'aboliguèt lo camin de fèrre, lo servici de transpòrt public es remplaçat per un servici d’autobuses, un servici pus lent, pus polluent e fòrça mens confortable, mai que mai pels andicapats o pels que viatjan amb d’enfants.
La region Piemont argumenta que lo còst de reactivar la linha seriá fòrça naut, e preferís de la remplaçar per una pista ciclabla, que son còst seriá a l’entorn dels 25 milions d'èuros.
La còla de TrenoVivo es fermament convencuda que l’usatge de bicicletas es complementari a l’usatge del tren e que li fa pas, doncas, concurréncia. Cal prene en compte que la Val Pèlis es una zòna de montanha e, per tant, l’usatge de las bicicletas es solament possible en estiu. Segon las associacions ecologistas de la Val Pèlis, la "transicion ecologica" se pòt nonmàs far en completant lo servici ferroviari amb l'usatge de bicicletas.
Dins la Val Pèlis, i a ja fòrça estradas segondàrias e, doncas, es pas necite de bastir una nòva pista ciclabla. TrenoVivo, amb d’autras organizacions localas, espèra que lo sindicat de montanha cambiarà d'opinion e utilizarà los fonzes europèus de recuperacion per de projèctes que sián mai utils per la comunautat.
TrenoVivo e plusors associacions de la Val Pèlis, dont qualques organizacions occitanistas, mantenon lor supòrt a l'idèa de relançar lo camin de fèrre Pineròl - la Torre de Pèlis. Per aquela rason an lançat una peticion sus change.org.
Mattia Pepino/redaccion
Riceviamo e volentieri pubblichiamo: Noi de l'Assemblada Occitana Valades invitiamo tutti a sostenere la petizione di...
Pubblicato da TrenoVivo Val Pellice su Dimecres, 14 d’abril de 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma lo vielh camin de ferre
eu men vau plan planin,
se non men vau esta sera
partirai deman matin
deman matin.
Maurís. Niça
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari