La guèrra del Iemèn es considerada pel Naut Comissariat de l’ÒNU pels Refugiats (NACNUR) coma “la pièger catastròfa umanitària de la planeta”. Segon l’ÒNU, environ un quart de milion de personas son mòrtas dempuèi 2015 a causa d’aquel conflicte del temps que l’80% dels abitants d’aquel país an de besonh d’ajuda umanitària per poder subreviure. Una granda part de las armas qu’an tuat tot aquel mond son fargadas en Peiregòrd. Ara, un rapòrt del Centre Delàs d’estudis per la patz senhala las societats e bancas que se son enriquidas amb d’investiments d’armas en aquela guèrra, e mai las leis europèas o enebiscan, çò rapòrta Directa.
 
 
Airbus, Thales Group...
 
Delà la permissivitat dels estats, son las grandas societats qu’aprofièchan aquela guèrra. Lo rapòrt del Centre Delàs senhala 80 entrepresas, dont Airbus, BAE Systems, Boeing, China Aerospace Science and Technology Corporation, General Dynamics, Leonardo, LIG Nex1, Lockheed Martin, Navantia, Norinco, Raytheon Technologies, Rheinmetall AG, Rolls-Royce, Textron e Thales Group.
 
A mai, lo rapòrt determina tanben quinas bancas an finançat aquelas societats en obtenent de beneficis amb aquela guèrra. Las bancas estatsunidencas son, sens cap de dobte, las qu’an aduch mai de cabals, seguidas de las bancas del Reialme Unit, de França, Canadà e Espanha.
 
 
Crédit Agricole, Société Générale, BBVA, Santander...
 
Atal, las bancas francesas que finançan e aprofièchan aquel desastre umanitari son, per òrdre de beneficis obtenguts: Crédit Agricole, Société Générale, BPCE Group, BNP Paribas e AXA. Quant a las bancas espanhòlas, avèm: Banco Bilbao Vizcaya Argentaria (BBVA), la banca Santander e la Societat Estatala de Participacions Industrialas (SEPI).
 
 
La guèrra
 
Dempuèi març de 2015, las armadas d’un desenat de païses, dirigits per l’Arabia Saudita, atacan la milícia shiita dels huthis en Iemèn. Aquesta milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic a las atacas saudianas contra los huthis.
 
Las atacas contra los civils son frequentas, fins al ponch d’aver tuat d’enfants qu’anavan a l’escòla.
 
 

¿Qué bancos financian las empresas que exportan armas a Arabia Saudí y Emiratos Árabes Unidos, los principales países de la coalición implicada en la guerra en #Yemen?
Lo destapa este nuevo informe que lanzamos hoy https://t.co/AydP4dPrEl#NoBancaArmada#StopArmasContraYemenpic.twitter.com/IletuwA7W9

— Centre Delàs (@CentreDelas) April 12, 2021