Actualitats
Una escòla trebolada
Me demandi quins seràn los impactes de la crisi sus las escòlas Calandreta. A quina mena d’avenidor nos deurem acarar?
Fòrça plan mai qu’una escòla...
Coneissi las escòlas Calandreta, que trabalhèri quatre ans a la de Ginhac en qualitat d’animatritz e ajuda mairala e a l’ora d’ara, fau d’estudis per tal de venir regenta. Perqué Calandreta?... Mai qu’un luòc d’aprendissatge, las escòlas Calandreta son de luòcs de transmission. Transmission de sabers, d’una lenga e d’una cultura. Microsocietats vertadièras, balhan de claus als enfants per ensenhar a grandir e viure ensems dins un esperit de cooperacion. Dins aquela tòca, los actors son nombroses; regents, salariats, calandrons e parents, e totes participan a la vida de l’escòla.
Una participacion a totes los nivèls
Al nivèl pedagogic, los obradors interclassas ritman la vida escolara. Los descantonats, per exemple, son d’obradors ont lo temps d’una activitat, las classas elementàrias se reorganizan e aculhisson la granda seccion de las classas mairalas, que fa ansin sos primièrs passes amb los grands de l’escòla. Per çò qu’es de l’animacion, las activitats prepausadas pendent los tempses periscolars son essencialas per la preparacion de las fèstas de temporadas, e son dobèrtas a tota l’escòla, dins un encastre mens formal que la classa. Enfin, al nivèl associatiu, los parents se rescontran e escàmbian a la fin dels corses, al dintre de l’escòla, o a de moments coma lo “cafè dels parents”, çò que permet als parents novèls de s’integrar aisidament dins la dinamica de l’escòla o encara de s’organizar pels diferents trabalhs d’entreten o d’amainatjament de l’estructura.
L’escòla es doncas un endrech en movement, ont aprenon dels autres e ensenhan als autres, dins un objectiu comun d’ofrir als calandrons un luòc d’espandiment e de dobertura a la cultura occitana e al Mond.
Consequéncias de la crisi sanitària
Dempuèi un an, la crisi sanitària que tòca lo país genèra d’empachas nombrosas dins las escòlas. Las classas se pòdon pas pus mesclar, son doncas d’obradors en mens pels calandrons. Dins la cort tanben la desseparacion entre los elementaris e la mairala limita las interaccions portairas de socializacion. L’accès a l’establiment se restrenh pels parents e lo moment de la fin dels corses es pas pus un moment propici a la charradissa e a l’escambi. E mai, amb l’interdiccion dels concèrts e dels espectacles, es una fèsta importanta per l’escòla de Ginhac que calguèt anullar, Total Festum 2020, portant la problematica al nivèl de las finanças. Per far cort, lo principi sul qual se fonda l’accion Calandreta, “S’associar per far escòla”, sembla trebolat. E mai totas las còlas capiten a trapar de solucions, de biaisses novèls de foncionar, e s’adapten al mièlhs a aquesta novèla manièra de “far escòla”, non sens inquietud me demandi quins seràn los impactes de la crisi sus las escòlas Calandreta. A quina mena d’avenidor nos deurem acarar?
Marlena Longelin
Marlena Longelin nasquèt en 1983 dins lo nòrd de França. Demòra en Bas Lengadòc dempuèi 2014. Aquí descobriguèt la cultura e la lenga occitanas en trabalhar dins una escòla Calandreta. Seducha per la cultura nòstra, decidiguèt de tornar prene los estudis per venir regenta.
Coneissi las escòlas Calandreta, que trabalhèri quatre ans a la de Ginhac en qualitat d’animatritz e ajuda mairala e a l’ora d’ara, fau d’estudis per tal de venir regenta. Perqué Calandreta?... Mai qu’un luòc d’aprendissatge, las escòlas Calandreta son de luòcs de transmission. Transmission de sabers, d’una lenga e d’una cultura. Microsocietats vertadièras, balhan de claus als enfants per ensenhar a grandir e viure ensems dins un esperit de cooperacion. Dins aquela tòca, los actors son nombroses; regents, salariats, calandrons e parents, e totes participan a la vida de l’escòla.
Una participacion a totes los nivèls
Al nivèl pedagogic, los obradors interclassas ritman la vida escolara. Los descantonats, per exemple, son d’obradors ont lo temps d’una activitat, las classas elementàrias se reorganizan e aculhisson la granda seccion de las classas mairalas, que fa ansin sos primièrs passes amb los grands de l’escòla. Per çò qu’es de l’animacion, las activitats prepausadas pendent los tempses periscolars son essencialas per la preparacion de las fèstas de temporadas, e son dobèrtas a tota l’escòla, dins un encastre mens formal que la classa. Enfin, al nivèl associatiu, los parents se rescontran e escàmbian a la fin dels corses, al dintre de l’escòla, o a de moments coma lo “cafè dels parents”, çò que permet als parents novèls de s’integrar aisidament dins la dinamica de l’escòla o encara de s’organizar pels diferents trabalhs d’entreten o d’amainatjament de l’estructura.
L’escòla es doncas un endrech en movement, ont aprenon dels autres e ensenhan als autres, dins un objectiu comun d’ofrir als calandrons un luòc d’espandiment e de dobertura a la cultura occitana e al Mond.
Consequéncias de la crisi sanitària
Dempuèi un an, la crisi sanitària que tòca lo país genèra d’empachas nombrosas dins las escòlas. Las classas se pòdon pas pus mesclar, son doncas d’obradors en mens pels calandrons. Dins la cort tanben la desseparacion entre los elementaris e la mairala limita las interaccions portairas de socializacion. L’accès a l’establiment se restrenh pels parents e lo moment de la fin dels corses es pas pus un moment propici a la charradissa e a l’escambi. E mai, amb l’interdiccion dels concèrts e dels espectacles, es una fèsta importanta per l’escòla de Ginhac que calguèt anullar, Total Festum 2020, portant la problematica al nivèl de las finanças. Per far cort, lo principi sul qual se fonda l’accion Calandreta, “S’associar per far escòla”, sembla trebolat. E mai totas las còlas capiten a trapar de solucions, de biaisses novèls de foncionar, e s’adapten al mièlhs a aquesta novèla manièra de “far escòla”, non sens inquietud me demandi quins seràn los impactes de la crisi sus las escòlas Calandreta. A quina mena d’avenidor nos deurem acarar?
Marlena Longelin
Marlena Longelin nasquèt en 1983 dins lo nòrd de França. Demòra en Bas Lengadòc dempuèi 2014. Aquí descobriguèt la cultura e la lenga occitanas en trabalhar dins una escòla Calandreta. Seducha per la cultura nòstra, decidiguèt de tornar prene los estudis per venir regenta.
| fffff | fffff | |
| Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a. Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor… | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2
Titulars del concors de l'Educacion Nacionala, La màger part dels regents son pagats per l'Estat, e me fau pas de lagui cap a lor investiment, seràn aquí.
Mas sens moneda, las Calandretas auràn de dificultats per portar de mejans bèls als regents : collègas suplementaris (animators/trices, regents novelaris de renfòrts pedagogics), finançament de projèctes bèls (sortidas, interveneires, classa descobèrtas etc...).
Ai quasiment totjorn trobat en calandreta d'ensenhaires engajats, convinçuts de l'interèst de son investiment dins la formacion deis enfants, futurs adultes. De segur que n'i a tanben dins l'escòla publica mas en calandreta es un autre esperit que veguère e una relacion enfants/ensenhaires ben particulara.
Faudrà pas que la pandemia copèsse aqueste vam. Pense que lei personas que s'investiguèron dins aquela dralha contunharàn d'o faire.
Bon astre !
Bon trabalh, Òsca !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari