Actualitats
Covid-19: la planeta a trespassat los tres milions de mòrts
Avèm passat dels dos als tres milions de decèsses en solament tres meses
Tèxte legit
Lo Mond a trespassat los tres milions de mòrts per covid-19, segon de donadas publicadas dissabte per l’Universitat Johns Hopkins dels Estats Units e per Worldometer, que meton a jorn quotidianament l’evolucion de la pandemia sus tota la planeta.
Lo país pus afectat de la planeta es encara los Estats Units, amb mai de mièg milion de mòrts, seguit de Brasil amb unes 370 000 e Mexic amb mai de 210 000. China, lo luòc d’origina de la pandemia, comptava dissabte oficialament 4845 victimas.
Creissença exponenciala
Calguèt uèch meses e mièg per que la pandemia arribèsse al milion de mòrts après lo primièr decès confirmat en China. Solament tres meses e mièg puèi, trespassèt los dos milions de mòrts, lo 15 de genièr passat. Ara, lo lindal dels tres milions s’es trespassat solament tres meses puèi.
Los estats que pertòcan Occitània
Per quant al nombre total de cases recensats, los estats que pertòcan Occitània son pro afectats, França es a la 4a posicion, Itàlia a l’8a, Espanha a la 9a. Mónegue es a la 179a posicion sus 221, amb quasi 2400 cases e 31 decèsses per la malautiá del coronavirus.
Mas se prenem en còmpte la mortalitat per cada milion d’abitants, Itàlia compta 1927 mòrts, la seguisson Espanha amb 1646 e França amb 1536 mòrts. Mónegue ne ten 786.
De grandas diferéncias entre los païses
Segon l’Organizacion Mondiala de la Santat, la pandemia es a “un ponch critic” amb de grandas diferéncias entre los païses. Per exemple, Israèl a capitat a arrestar la pandemia gràcias a una intensa campanha de vaccinacion, del temps qu’Índia afronta un aument esfraiós d’infeccions e de decèsses.
De remarcar lo cas de Cuba, qu’a desvolopat son vaccin pròpri amb l’administracion publica, que compta 44 mòrts per cada milion d’abitants, 4000 cases actius e cap d’infeccion nòva.
Lo país pus afectat de la planeta es encara los Estats Units, amb mai de mièg milion de mòrts, seguit de Brasil amb unes 370 000 e Mexic amb mai de 210 000. China, lo luòc d’origina de la pandemia, comptava dissabte oficialament 4845 victimas.
Creissença exponenciala
Calguèt uèch meses e mièg per que la pandemia arribèsse al milion de mòrts après lo primièr decès confirmat en China. Solament tres meses e mièg puèi, trespassèt los dos milions de mòrts, lo 15 de genièr passat. Ara, lo lindal dels tres milions s’es trespassat solament tres meses puèi.
Los estats que pertòcan Occitània
Per quant al nombre total de cases recensats, los estats que pertòcan Occitània son pro afectats, França es a la 4a posicion, Itàlia a l’8a, Espanha a la 9a. Mónegue es a la 179a posicion sus 221, amb quasi 2400 cases e 31 decèsses per la malautiá del coronavirus.
Mas se prenem en còmpte la mortalitat per cada milion d’abitants, Itàlia compta 1927 mòrts, la seguisson Espanha amb 1646 e França amb 1536 mòrts. Mónegue ne ten 786.
De grandas diferéncias entre los païses
Segon l’Organizacion Mondiala de la Santat, la pandemia es a “un ponch critic” amb de grandas diferéncias entre los païses. Per exemple, Israèl a capitat a arrestar la pandemia gràcias a una intensa campanha de vaccinacion, del temps qu’Índia afronta un aument esfraiós d’infeccions e de decèsses.
De remarcar lo cas de Cuba, qu’a desvolopat son vaccin pròpri amb l’administracion publica, que compta 44 mòrts per cada milion d’abitants, 4000 cases actius e cap d’infeccion nòva.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Soi d'acòrdi que cal relativizar las causas. Tot es amplificat actualament, per los medias ("mainstream" : de massa ?) que son arribats a botar la petega al mond (sideracion), puèi amplificacion dels problèmas (e de las testas PCR/tròp d'amplificacion faussa los resultats), e aquò faguèt una mena de manipulacion : lo nombre de cas es pas lo nombre de malauts, ni mai lo nombre de mòrts. Per las corbas, nos cal cercar e trobar d'autras sorgas d'informacions, per menar las causas a lor justa plaça.
Es complicat, aquò pren de temps, mas val lo còp, per se far sa pròpria idèa : cal saupre que 10 miliardaris possedisson 90% de las medias. En mai d'aquò, i a tròp de conflictes d'interés per acreditar çò que dison los representants non pas del poble, non pas de la santat, mas del profièch que realizan sus son esquina !
Cris. (ciutadana engatjada, totjorn en recèrca de la vertat vertadièra...pensi pas èsser al cap de mas recèrcas...
Grandmercé a totes los que dobtan, que cercan, e mercé tanben als medias e al mond que nos tractan pas de "complotistas", tre que dobrissèm la boca per un resson un pauc diferent...)
I arribarem : la societat de deman serà çò que ne volèm far !
Tres milions ! Solament 3 pichòts milions de mòrts suls 7,5 MILLIARDS d'estatjants que compta la planèta ! Dins lo mèsma temps i-a CADA ANNADA quantes e quantes milions que morissan de la tuberculòsi, d'ebolà, del paludisme, dels cancers (divèrses e variats !) e mai que mai de la FAMINA dins l'indiferència TOTALA dels mediàs e dels govèrns ? E ara de longa nos fan cagar per aqueles 3 pichòts milions de mòrts del coronavirus ? Mas me damne, de qu'es aquel manipòli ? Quora lo mond van enfin se trachar qu'òm se trufa d'eles amb aquel aganta-colhon que jòga sus las paurs irracionalas per los melhor engabiar ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari